الكل خرج وفضل مروان اللي لسه بقميصه اللي باين عليه انه اتبهدل في الحريق ووشه باهت وعيونه احمرت
باسل :ليه؟ من أمتي واحنا بنقصر في الشغل؟
مروان بدموع :انا اسف بجد انا السبب في كل دا
باسل :لا يا مروان دا واحد قاصد يدمر كل شغلنا بس من أمتي وانت بتنسي حاجه مهمه زي التامين
مروان وهو بيحط وشه بين ايديه :انا وساره اتطلقنا من شهر يا باسل
باسل بصدمه:ايه؟ ازاي؟ دا انتم بتعشقوا بعض؟
مروان :انا طلقتها….. انا عندي مشكله تمنع موضوع الخلفه ومستحملتش لهفتها انها تكون ام وانا مقدرش اعملها دا فطلقتها….. انا بس كنت مضغوط الفتره اللي فاتت كان لازم إبان عادي
باسل :وحد الله وان شاء الله ليها حل….. دلوقتي لازم نلقى حل للي بيحصل دا ومحدش هيمشي من هنا الا لما نوصل لحل
غمض عنيه وهو بيفتكر معاملته لقمر احساس بالندم مسيطر عليه لكن مش وقته…..
عند قمر امها دخلت تطمن عليها لقيتها نايمه
سميه:قمر قومي يا حببتي عشان تاكلي حاجه مينفعش كده
لم تجد منها ردا فتملك الخوف من قلبها
سميه:قمر قمر قومي ياله
لا رد…..
سميه:بنتي قومي يا حببتي في ايه؟
وقفت متصنمه وهي ترى وجه ابنتها الشاحب كشحوب الاموات
سميه بدموع ورعب :قمر قومي قومي يا حببتي في ايه؟
بسرعه نزلت لمكتب حسين وقلتله وهو طلب دكتوره
عند باسل
رمي القلم من ايديه بتعب وهو بيقفل الملف اللي ادامه ومسك الموبيل يكلم ابوه لكنه مش بيرد
استغرب وفضل يرن لحد ما فتح
باسل :في اي يا بابا رنت عليك كذا مره…. انت كويس؟
حسين بتوتر:اه انا كويس قولي عملت ايه…
باسل بشك:بابا في اي؟
حسين بتنهيده:قمر
باسل بفزع:مالها؟
حسين :متقلقش هي كويسه بس تعبت شويه وانا جيتلها الدكتوره متقلقش
باسل طلع من الشركه بسرعه واخد عربيته وطلع على الفيلا