مين اللي عمل فيكى كده؟!!!نفسي تسمعينى!!!
نفسي تعرفي قد ايه بحبك ؛ بحبك اكتر من نفسى
بدأ الدكتور يهديه
الدكتور: توقعنا في البدايه انها حاله اغتصـaب وان الجانى رماها بقصد القتل
لكن بعد الكشف اكتشفنا انها كانت محاولة اغتصـaب لكن واضح انها قاومته ولما يأست انها تتخلص منه رمت نفسها من البلكونه.. استأذنك٠
مشى الدكتور و باسل لسه علي حاله
باسل بغضب جحيمي وبيكور ايديه: لو اعرف مين ابن ال…. اللي عمل فيكى كده؟!!!
دخل باسل علي الكرسى جنب قمر يبص لها ودموعه مش بتقف
مستحيل تبقي هى دى النهايه !!!!
يااارب انت عالم قد ايه انا وهى اتعذبنا في حياتنا وانت جمعتنا بقدرتك عشان نبقي سبب سعاده بعض انا وعدتها انى هبقي سبب سعادتها وهى كمان مجرد وجودها في حياتى بيسعدنى ياااارب اشفيها وماتحرمنيش منها
اتوضى وصلي ولسانه ماوقفش عن الدعاء ليها
قرب باسل منها: قمر انا مش هقدر اكمل حياتي من غيرك انتى اللي خليتى لها معنى
عمري ما كنت بصدق بوجود الحب من الأساس…
كل حياتي أن افضل ثابت وابقى رقم واحد في شغلي وحياتي….. كنت فاكر اني بحب نيره لكن اكتشفت اني عمري ما حبيت غير لما دخلتي حياتي
مكنتش عارف ان البنت الصغيره دى جواها طيبه وحنيه تكفي العالم جواها براءه تاخد عقل وقلب اى حد
اخدت قلبي وعقلي بقت روحى اول مره اضحك من قلبي كان معاها
اول مره احب الناس والدنيا كان بسببها ينفع تمشى وتسيبنى كده؟!!!
واتخنق في الدموع ماتسبنيش يا قمر
ارجوكى انا بحبك
تاني يوم
الدكتور : كنا قلقانين من احتمال وجود نزيف في المخ لكن الاشعه بينت ان مفيش نزيف والموضوع وقتى وهتبدأ تستعيد وعيها
باسل: الحمدلله الحمدلله
وفعلا بعد بومين بدأت قمر
تستعيد وعيها اول ماشافها وهي بتفتح عيونها رمى نفسه علي الارض ساجد لله ومش بيتكلم بس دموعه بتسيل
باسل بلهفه:قمر انتي سمعاني يا حببتي…
بصتله لكن مقدرتش تتكلم
قمر بدموع وهستيريه:اابعدددواا عني
انا تعبت…. متلمسنيش
باسل :اهدي دا انا باسل اهدي ارجوكي
قمر بوعي حضنته بقوه :انا خايفه متسبنيش ارجوك يا باسل ارجوك دول دول كانوا…. حاولت اكلمك لكن انت مردتش كنت لوحدي
باسل بدموع نزلت من احساسه بالقهر:انا اللي اسف والله العظيم اسف… انا السبب مكنش
ينفع اسيبك
ثم تابع بغل :قمر هم مين؟ مين اللي عمل كدا؟
قمر ببكاء:معرفش والله ما اعرف
باسل بغضب مكتوم:هدفعهم التمن غالي اوي صدقيني
قمر بانهيار :انا مش عايزه حاجه انا عايزك