باسل :تمام يا جيجي هناخد الفستان
قمر ابتسمت وهي لسه باصه في الأرض
باسل شاورلهم يمشوا
جيجي والبنت اللي معاها مشيوا وفضل قمر وباسل
قمر بصتله لقيته حط ايديه في جيبه وبيقرب… بقيت تبعد هي وبترجع لورا بخوف و توtر لحد ما خبطت في الحيطه
حط ايديه على الحيطه بقيت محاصره بينه وبين الحيطه
قمر بتلعثم بسبب توتره : م م كن.. ت بع د.. ش و يه
باسل بخبث :توتو تصدقي أن الفستان دا حلو اوي من هنا وانا قريب منك
قمر من كتر التوتر عيونها دمعت : ب بس.. ا ن ا…. خا لص.. م ش.. عا يز اه…
باسل حط ايديه تحت داقنها ورفع راسها: يخربيت خدودك الحمرا دي انا جوزك على فكره
قمر بتوهان وعذوبه: هااا
باسل ضحك و بسرعه باسها
بعد مده
باسل بخبث:تمام يا مدام جيجي كدا كله تمام
جيجي:تؤمرني بحاجه تانيه يا باسل بيه
باسل:لا متشكر ياله يا قمر غيري والبسي الادناء عشان نمشي…. مدام جيجي خليهم يحطوا الحاجه في العربيه
جيجي:تمام
قمر لنفسها و هي رايحه تغير: قليل الادب
باسل بخبث:سمعتك على فكرة
قمر بصتله وحطت ايديها على بوقها و راحت غيرت
في قصر المنصوري
بيدخل باسل و قمر معه
حسين بجديه:باسل تعالي ورايا
باسل استغرب طريقه ابوه : قمر اطلعي دلوقتي
قمر:حاضر
بتطلع اوضتها و هي مبسوطه جدا
دخلت الاوضه قلعت النقاب ومسكت صوره باسل وضحكت
قمر برجاء :يارب انا بحبك اوي… وعارفه اني هنا عشان حاجه معينه و لما تحصل احتمال هو اللي يطردني بنفسه….. يارب متعلقش قلبي به لو دا اللي هيحصل… او ارزع حبي في قلبه