باسل وقف عربيته أدام اتيليه باين عليه شيك جدا و كاجول
نزل وراح فتح باب العربيه ومسك ايد قمر ونزلها من العربيه
وكانت بتبص للمكان باستغراب اتحول لخجل لما دخلت وبقيت عايزه تطلع
باسل ضحك بصوت عالي صاخب وهو شايفها بتوطي راسها وماشيه ببط
مدام جيجي:اهلا يا باسل بيه اهلا يا هانم اتفضلوا كل اللي حضرتك طلبته جاهز
باسل :تمام ياله يا قمر
بعد مده
قمر واقفه أدام المراية مصدومه وهي بتبص لنفسها
مدام جيجي:طالعه ولا ملكه جمال الفستان هياكل منك حته
قمر فضلت باصه في المرايه كانت لابسه فستان ابيض من الشيفون منفوش لحد ركبتها
الدراع من الشيفون الخفيف اللي مديها مظهر أنيق جدا و رقيق
قمر بصدمه:انا دي؟
جيجي بمرح:على فكره انتي حلوه اوي اوي لولا اني ست كنت عكستك
ياله عشان نوري مستر باسل الفستان
قمر بخجل وكسوف واضح : لا مينفعش مش هينفع
جيجي باستغراب :بس دا جوز حضرتك وبعدين هو اللي امر ان اي حاجه مختارها لازم يشوفها عليكي الاول
قمر ببراءه:يعني لو مشافوش مش هقدر اخده
جيجي :لازم يشوفه اتفضلي معايا
باسل كان بيشرب عصير وقاعد بيقلب في الفون سمع صوت كعب
بيرفع عنيه بقى مبهور شايف ملاك عيونها شعرها الناري، انسدال الفستان عليها فعلا زي القمر اسم على مسمي
مدام جيجي:مستر باسل
باسل بجديه:نعم
جيجي: ايه رأي حضرتك
باسل بص لقمر اللي واقفه وباين فرحتها في عيونها و اللي مزود جمالها خجلها الواضح والملفت