نيرة :باسل ايه موحشتكش؟؟!
…. باسل بصلها باستنكار وطلع على جناحه
نيره لنفسها:اصبري عليا يا شحاتة انتي والله لخليك تعيشي اسو”د ايام حياتك
عند باسل
فتح الباب و دخل حط قمر في السرير بهدوء
و قعد جانبها وفضل يبصلها
باسل بحيره:ياترى ناويه تعملي فيا ايه…..
حاسك ملاك من السما خايف ارجع زي زمان.. فتكوني زي نيره……
قام قفل الباب و دخل اوضه الملابس
فتح الدولاب بتاع قمر و اخد بجامه وراح
لقمر وبدلها هدومها طبع بوسه على خدها
وخرج
في المكتب
حسين:احكيلي يا باسل مالك
بأسل بابتسامة :مالي يا بابا انا كويس
حسين باستغراب :بتضحك اكيد لازم استغرب
باسل بجديه:احم مفيش حاجه يعني
حسين بخبث:ااممم تمام بس ايه اخبار قمر
باسل بجديه:بابا بلاش تلف وتدور مفيش حاجه وقمر مش فرقالي كتير واحنا بينا اتفاق انا بس عايز ارضيك
حسين بخبث:وماله
باسل :انا هطلع انام عشان تعبت النهارده
كان يوم طويل تصبح على خير
اول ما دخل ابتسم وراح غير هدومه ولابس برموده بس
وراح ينام شدها لحضنه و غمض عنيه وراح في نوم عميق