هبقى استخدمه على طول
فى الصباح
فهد صحى وكانت قمر لسه نايمة
فهد وهو بيدفن رأسه فى رقبتها
وبيبوسها: انتى عملتى فيا ايه بجد
قمر : صباح الخير
فهد : صباح النور هو ايه اللي حصل امبارح.
قمر : محصلش حاجه انت نمت
فهد : بجد طب ازاى
قمر بتوتر: مش عارفه بقى صحيح كنت عايزة اسألك سؤال
فهد : اسألى
قمر : انت متأكد انك بتحب سارة
فهد وهو حاسس انه مش مطلعها من قلبه : ااه
قمر : فعلا اصل احنا ساعات كتير بنبقى مفكرين ان التعود حب
فهد : لا بحبها وياريت متدخليش فى الموضوع
دا تانى انا هغير واروح الشركة
قمر : طب انا كنت عايزة انقل جامعة القاهرة
فهد : تمام انا هحولك ورقك
قمر : شكرا
فهد : العفو
فى الشركة
فريده: هاا طمنى
فهد : محصلش حاجه
فريده بعصبية: ازاى يا فهد انت بتهزر فهد انت لازم تبقى بعيد عن سارة طول ما سارة موجودة يبقى مش هيحصل حاجه ما بينك انت وقمر
فهد : ايوا يعنى اعمل ايه
فريده: خد قمر وسافروا باريس واقعدوا فى الڤيلا اللى هناك دى فرصة كويسة عشان تقربوا من بعض