خالد: يمكن عشان اخوها مثلا ؟!
يونس: بلاش حديت ماسخ …
قرب عليه…
روح: اهدي يا نمر قلتلك مافيش حاجه من اللي في دماغك دي ..
جرجره وراه وطلعه من اوضه روح
خالد: ماتخلنيش اتهور عليك يا قطه
يونس: لاه اتهور ووريني
روح قومت خالد من علي الارض وبصت ليونس بعصبيه ومشت ..
……………………..
في اوضه كريمه .
كريمه بعصبيه: جوزك دبسني في كرم وهوا خابر اني بحب يونس عايز يخلص مني ويخلي الجو لبنت اخوه
صفاء: مارفضتيهوش ليه؟!
كريمه: هوا اداني فرصه انا مالحقتش اتكلم يستحيل اتجوز كرم ده..
……………………….
في اوضه خالد ..
خالد: ااااه …
روح : معلش …
كان وش خالد وارم من ضربه يونس وروح بتحطله تلج..
خالد بضحك: بس شكله واقع اوي
روح : مين ؟!
خالد: يونس يا ختي الولا من ساعه ماجيت وانا حاسس انه مش طايقني وكل اما اقرب منك الاقيه موجود ويضربني شكله بيحبك يا جامد
روح : بيحبني لأ يا بني !
خالد: انا راجل وعارف بيغير عليكي مني والنبي فهميه ان اخوكي بقا لانه ايده تقيله اوي وعايز ارجع سليم
روح بضحك: ههههه حاضر شاطر تعمل جامد عليا بس
خالد: انا جامد علي اي حد تحبي تشوفي
روح : هاتعمل ايه يا مجنون ..
طاااااخ …الباب اترزع…
خالد: يلا الخد التاني لسه ماورمش يلا …
يونس كان رايح يضربه
روح: يونس في ايه انت اتجننت ؟!
يونس: كان هايعمل ايه ده
روح: كان هايرشني بالميه وقلتلك خالد اخويا
يونس : بلا اخويا بلا زفت …
طلع يونس وهوا متعصب ..
خالد: حلوه اللعبه دي طب استني كده …..ماتجيبي بوسه
روح: خلصت نام بقا
خالد: غريبه يعني ماجاش المره دي ..
روح: تصبح علي خير يادودي
خالد: دودي دي اللي بتخليني اضرب اسمي خالد
روح: ههههههه مش دودي يا كوتش اللي بتخليك تتضرب تصبح علي خير…
خالد بضحك: وانتي من اهله
طلعت روح من اوضه خالد وعدت علي اوضه يونس ماكانش في اوضته سمعت صوت الچيتار ..