فهد : نعم يابابا
امينه : علشان خاطري اسمعني يابني والا عايز تموتني بحسرتي عليك
فهد وقد فهم مقصد كلامها : تاني يا أمي
امينه بدموع : اسمعني يابني
فهد : قولى يا أمي
امينه : في بنت جارتنا ماشاء الله عليها ادب واخلاق ناخد ميعاد معاهم وانت شوفها ادي لنفسك فرصه يابني
فهد : ماشي اللي تشوفوه انا خارج مشوار
امينه : ماشي ياحبيبي
احمد : يعني ناخد ميعاد
فهد: اللي تشوفوه يابابا
وسابهم ومشي لانه مش بيحب يزعل امه وهو عارف كدا كدا مش هايوافق
راح الشقه
كانت ريم عماله تعيط ومش عارفه تشيل المحلول
فهد شافها كدا جري عليها لقي ايدها زارقه
فهد مسك ايدها
ريم حطت ايدها علي ايده وهي بتترعش : وحيات أغلى حاجه عندك براحه انا ايدي وجعاني اوي
فهد : ماتقلقيش وشال الكلونه براحه
ريم كانت عماله تعيط من الوجع
فهد : حاسه بايه
ريم بدموع : بطني وجعاني اوي وجسمي واجعني
فهد : طاب اهدي وجابلها العلاج واداهولها وجابلها اكل
ريم كانت محروجه منه بس كانت جعانه
فهد فضل يبصلها وهي بتاكل وبعدين سمع العشا بتاذن
راح اتوضي وصلي
وريم عايزه تسمع هو بيقول اي وازاى بيصلي
ريم بدموع : انا كمان عايزه اصلي
فهد : ماتصلي عادي
ريم : طاب طاب انا مش بعرف اصلي والا بقول اي في الصلاه والله مش بكدب عليك
فهد كان زعلان اوي ولسه هايحط ايده علي عينها علشان يمسح دموعها
ريم انكمشت في نفسها جامد : ماتضربنيش ابوس ايدك والله ماعنيتش هاقولك اني مش بعرف انا اسفه
فهد زعل من نفسه مهما كانت هي طفله بالنسبه ليه