فاطمة بأستغراب:- هو مش الجناح اللي فوق دا مقفول
:- اه و محدش بيطلعه غير ادم بيه ممكن لو حضرتك عايزاه هطلع اندهله
فاطمة:- لا انا هطلع اشوفه
بخوف :- طب ممكن متقوليلهوش اني قولتلك انه فوق هو مش بيحب حد يطلع بيحب يعقد فيه لوحده
فاطمة:- تمام
طلعت فاطمة و لاقيت اوضة في الوش كانت مضلمة بس سمعت حركة جواها فخمنت انه فيها راحت عندها و فتحت الاوضة و انصدمت بشدة لما لاقيت
_ في المستشفى _
توحيدة كانت خرجت من العمليات و فاقت و كانوا حجزينه في غرفة خاصة متأمنة من اتنين عساكر ، دخل واحد و هو متنكر في زي دكتور و دخل هو ماسك في ايديه حقنة.. فيها انواع معينة من السموم…. توحيدة بصتله بخوف و اتكلمت بأرهاق و هي بتشيل ماسك التنفس من على فمها كان لسه هيضرب…. الحقنة…. في المحلول
توحيدة بتعب و هي بتنهج:- قول لي اللي باعتك ان معايا حاجات توديه ورا الشمس و رجالتي برا معاهم الحاجات دي لو حصلي حاجه هيبعتوها للشرطة
سمع صوت جاي من الموبايل اللي ماسكه في ايديه بيقوله وقف اللي بتعمله
بصلها بشر… و خرج من الاوضة ، حطيت الماسك عليها تاني بخوف و كل اللى في دماغها فاطمة و رد فعلها بعد ما تعرف
فاطمة دخلت الاوضة و انصدمت اما لاقيت الاوضة عبارة عن بار مليان بالخمور… و ادم قاعد على كرسي قدامه و بيشرب…
ادم حس بحركة في الاوضة ، اتكلم من غير ما يبص لمين اللي دخل
ادم بغضب :- انا مش قولت محدش يطلع هنااا و لا انا كلامي مبيتسمعش
قال كلامه و هو بيبص وراه ، فاطمة اتنفضت من صوته ، بصلها بدموع و غضب :- انتي بتعملي ايه هناااا
رجعت لورا بخوف من طريقته و خصوصاً انها اول مرة تشوفه بالحالة دي
فاطمة بخوف :- انا اسفة
جت تخرج مسك ايديها و قربها منه و اتكلم بحدة :- بتعملي ايه هنا
فاطمة بألم…. من اثر مسكته عليها:- كنت قلقانة عليك بقالك فترة قاعد هنا بس مكنتش اعرف انك هتضايق كدا انا هخرج دلوقتي
ادم بحدة:- ايه مستغربة ؟!!!
لا حول ولا قوة الا بالله العلي العظيم 🤎
فاطمة:- ………….
ادم بصوت عالى:- ما تنطقيي
فاطمة:- ممكن تسيب ايدي وجعتني و الله أنا عايزة اخرج من المكان دا بدأت اتخنق….
ادم :- المكان دا هو اللي صبرني عليكي طول الفترة اللي فاتت عشان مخلصش…. عليكي
فاطمة بدموع :- تمام عايزة اخرج بقى انا بدأت اخاف منك و الله
ادم بسكر…. :- تعرفي برغم كل اللي انتي عملتيه اني مش قادر اكرهك… ” كمل و هو بيشاور بأيديه على قلبه ”
دا مقدرش يبطل دق عشانك و لا حتى عارف يحب غيرك
بصتله و مقدرتش تتحكم في دموعها اللي نزلت و هو بدالها نفس النظرة و كأنهم بيطلعوا كل مشاعرهم في النظرة دي
نزل وشه لمستواها و بيسند بجبينه على جبينها و صوت أنفاسهم بس اللي مسموعة