جميله: احجز اوضه تانيه
حمزة: حاضر خودي مفتاح الأوضه دي ليكي وانا هاحجز واحده تانيه.
دخلت جميله وقعدت تتفرج على جمال الأوضه وان برج ايفل باين من ازازها
حمزة حجز اوضه جنب جميله ودخل اخد شاور وغير هدومه وراح لجميله
خبط عالباب وهيا مش بترد
خبط وما فيش فايده
قلq علي جميله فتح الباب ودخل مالقهاش عالسرير وفي نفس الوقت طلعت جميله من الحمام بالبورنس شعرها مبلول ورجليها باينه وبيضاء زي التلج
حمزة واقف مبهور من جمالها وحلاوتها
قرب منها وهيا متفاجأه من وجوده ومكسوفه منه
قرب حمزة منها وهيا بترجع لورا لحد ما زنقها في الحيطه وباسها وهيا حطت ايديها علي رقبته وكانت مستسلمه ليه وفضل يبوسها باشتياق وحب
لحد ما في حد خبط عالباب وقاطعهم
حمزة راح يشوف مين
وجميله قالت ازاي وافقت بكده وكانت مستسلمه ليه بالطريقه دي وقررت انها مش عايزة تقرب منه كفايه اللي حصل ليها من أشرف بسبب حبها الكبير ليه وفي الأخر اتخلي عنها وقلبها مش حمل الوجع تاني
حمزة لقا اللي بيخبط الروم سيرفز
حمزة في نفسه: يعني ما كنتش عارف تستني شويه دا انت قطعت احلي لحظه في حياتي يا رخم
الروم سيرفز: حضرتك باب اوضتك التانيه مفتوح وانا شوفتك وانت داخل هنا فجيت اقولك
حمزة: ااه نسيت بس استني انت مصري
..: ايوة انا مصري بشتغل هنا
حمزة؛ اهلا بيك وطلع فلوس وادهاله
راح حمزة يقفل باب اوضته ورجع تاني لأوضه جميله بس الباب مقفول
حمزة: افتحي يا جميله
جميله: لأ مش هافتح
حمزة: ليه بس كده
جميله: يا سلام مش عارف انت عملت ايه انت ضايقتني جدا
حمزة: طب افتحي ومش هاعمل حاجه
جميله: لأ مش هافتح
حمزة: خلاص براحتك انا هخرج اتفسح بقا والف براحتي وخليكي هنا لوحدك وانا هابعتلك فطار
جميله فتحت الباب : يا سلام واللهي هوا انا جايه اقعد لوحدي هنا علي قلبك
حمزة ؛ هههه متأكد أنك كنتي هتفتحي 😂
جميله: واللهي ماشي بتضحك عليا انا زعلانه منك ولفت وشها عنه بطفوليه
حمزة: ما قدرش علي زعلك يا قمر
جميله ابتسمت
حمزة: مش يلا بقا
جميله: يلا
وخرجوا
حمزة: يلا نفطر الأول
جميله: ماشي
فطروا وشربوا النسكافيه