اسمح لي بالابتعاد تلك الشهور واخطبنى فيهم من والدتى لنبدأ مجددا بدون أي ماضى قاسي …ومن اليوم وحتى يوم ولادتى ان لم تقتنع اننى احبك
فقط لشخصك اذن لا تعود الي.. فحينها لن اكون استحق حبك ….
الان تجرأت ووقعت بإسم عزيز علي قلبى …. زوجتك
رسالتها قلبت عقله وقلبت كيانه حتى انه جذب فريده من يدها ليعيدها الي الزفاف بدون ان يحاسب المقهى والنادل حاول اللحاق به قائلا …- الحساب
يا فندم …
ولكن مديره استوقفه قائلا …- سيبه ده عمر بيه شريك الفطيم اللي حاجز قاعة الفرح ….
وعمر تقريبا حملها من علي الارض وهو يسرع بها الي القاعه ليعلن
للجميع بدون أي مقدمات …- انتباه يا جماعه انا كمان عندى اعلان … انا خلاص قررت اصفى كل اعمالي في الامارات ومش بس كده هفتح مستشفي
وكلنا نشتغل فيها …عمر ومحمد وفريده وانا وحتى رشا ونور واى حد من العيله يحب هينورنا وهيساعدنا …ثم نظر الي جدته وهو يقول وهنسميها
مستشفي ” الشريفه “….ودى هتبقي مستشفي خمس نجوم في الخدمه وأسعار بسيطه جدا …
فريده هزت رأسها برفض… – عمر ..انا خلاص مش هشتغل …انا من هنا ورايح ست بيت بس
كان دور عمر هذه المره ليهز رأسه ولكن بإستنكار …امسكها من كتفيها بحنان وركز نظراته علي عينيها الحائرتين …- فريده انا عمري ما طلبت منك
تسيبى شغلك …نجاحك بيسعدنى ..احب اشوفك ناجحه وقويه..مع كل شهاده كنتى بتاخديها كنت بفرح كأنى انا اللي اخدتها …
الجميع اختفي من حولهما …فجأه اصبحا في عالمهما الخاص …- فريده يوم مناقشتك انا كنت سعيد جدا …فخور بيكى وبنجاحك …حتى علي الرغم انك
كنتى بعيده عنى لكن انا دايما اتمنتلك الخير …
يا الله كم هو رائع عمر محب وحنون وقوي …اى انثى غبيه لا تتمنى ان يكون هذا هو رجلها….- عمر انا استقلت خلاص والموضوع نهائى… – حبيبتى
مش شغلك هو اللي كان بيبعد بينا ..لا البرود اللي انتى كنتى بستخبي وراه هو اللي دبحنى …يكفينى نظرة حب واحده اعيش عليها لاخر يوم في
عمري…وبعدين يعنى انا هلاقي دكتورة اطفال اشطر منك فين عشان تعالج اولادنا ..انا مش هثق في أي دكتور غيرك … – عمر … عمر انت فعلا عاوز
الطفل …؟ – ياه يا فريده …انتى فعلا بتسألينى ومستنيه اجابه …؟
هزت رأسها بالنفي ..بالطبع لا هى لا تنتظر الاجابه ..هى تعلمها جيدا تلمسها بقلبها …عمر يحبها فعلا ..حب لن يتكرر ابدا وهى ايضا تبادله نفس
الشعور
ليته ايضا يشعر ويتأكد كما تعلم هى مقدار حبه الجياش …
عمر اعطى قلبه ومشاعره علي بياض ولم ينتظر يوما المقابل وهى اعتادت الاخذ دون ان تحاول العطاء هى الاخري ربما لانها كانت تعلم ان حب عمر
يكفيهما معا…كم هى نادمه الان علي كل لحظه فرطت فيها دون ان تحاول اظهارحبها لعمر وكل لحظه سلمت فيها اذنيها الي افعى سامه نغصت عليها
عيشتها وبالاخص علي كل لحظه شعرت فيها ان عمر اقل منها .. كم كانت مخطئه فهو افضل منها بكثير يكفيه حبه الرائع المخلص وصدقه واخلاصه
وشهامته ورجولته …وعطائه ..اعطى كليته لاحمد واعطاها عمره وامواله ولم ينتظر يوما المقابل …دعمها في تعليمها ولم يشعر بالغيره لانها ستتفوق
عليه ومازال الي الان يدعمها ويقف خلف نجاحها ..
اقترابها من الموت غير مفاهيمها تماما …لم تعد الشهادات او المناصب تهمها…