في الدار
في غرفه من غرف الدار كانت ست مسنه في اخر الخمسينات كانت قاعده علي كرسي في بلكونه الغرفه كانت سرحانه في منظر الاشجار اللي بطل
علي غرفتها بس كانت حزينه طبعا الست دي كانت اللي عامله مشكله وعمله اضراب علي الاكل وصلت لغرفتها وخبطت ملقتش رد واضطريت ادخل
الغرفه ولاقيتها قاعده في البلكونه بتاع اوضتها
_صباح الخير اهلا وسهلا بحضرتك
هنا الست بنظره معرفش ان كانت مستغربه شكلي ومش حابه تتكلم ولا رفضه الكلام
_لو مش حابه شكلي ورفضه تتكلمي معايا انا ممكن امشي
_ماله شكلك ماهو حلو اهو وكويس
_امال رفضه تردي السلام ليه
_عشان مافيش فايده من الكلام خلاص لازم اتعود اكون لوحدي ومتكلمش مع حد حتي الاكل خلاص مالوش لازمه انا هنا ولادي موتوني
_هو عشان جيتي هنا يبقي حياتك انتهت
_امال بعدوني عنهم بقيت حمل عليهم مع اني مطلبتش من حد حاجه حتي السؤال عليا مطلبتوش
_انا معرفش عملوا كده ليه وايه دوافعهم انهم يتخلوا عن امهم انا هتكلم عليكي انتي هما رموكي زي مابتقولي يبقي لازم ترميهم ورا ظهرك وتعيشي
حياتك واللي كنتي محرومه منه زمان اعمليه دلوقتي
هنا الست انتبهت لكلامي
_ازي اعمل كده
_لا ازي دي لما نتصاحب الاول انا حياه
_وانا امينه
_اهلا ياست امينه تعرفي انك شبه امي اوي ممكن احضنك
_هنا باستغراب اه طبعا اتفضلي
وفتحت ايدها واترميت في حضنها كاننا كل واحد فينا محتاج لحضن دا وهنا دمعت
_تعرفي بحسبك هترفضي عشان تكوني خايفه مني ومن شكلي
_عارفه ياانسه حياه انتي لازم تشوفي نفسك عادي وطبيعي عشان الكل يشوفك عادي وطبيعي
_انت صح بقولك ياحجه امينه تجي نعالج بعض
وهنا بضحكه كلها تفاؤل انا . انا لاحول ولاقوة
_ لا شكلي هحبك
_وانا حبيتك اصلا تعالي يابنتي في حضني
_موافقه بس بشرط تكلي بعدها وتخلصي اكلك كله
_اتفقنا
_يلا اسيبك وهرجعلك تاني بعد ماتخلصي اكل
وهنا خرجت من اوضتها في مجي مياده وهي متعصبه ومعها داده حليمه
_عملتي معاها اي
_خلاص المشكله اتحلت وبدات تاكل
وهنا مياده اتعصبت وفجاءه
_بقولك ايه متتدخليش تاني في اختصاصتي انتي شغلك اشراف علي العمال والموظفين بلاش امورك الخبيثه دي لو كنتي ضحكتي علي خالد بجو
الصعبنيات دي مش هتتدخل عليا
_لو سمحتي الزمي حدودك معايا ولياكلام مع مستر خالد لا يرجع عن اذنك
وهنا مياده شدت فستاني من كتفي
_انتي راحه فين انا مخلصتش كلامي معاكي
_اوعي ايدك ماليش كلام معاكي انتي وحده حقوده
_انا احقد عليكي باماره ايه انتي مش شايفه نفسك الكل بيعاملك شفقه فهمتي يامبقعه ورفعت ايدها وضربتني بالقلم علي وشي
_انتي انسانه مريضه مريضه وجريت علي اوضتي
الحياه ديما معانده معايا ساعات تبتسملي وساعات بتعاند معايا