ضحي بتذكر:أه هو أيه إلي حصل آخر حاجة فكرها أني كنت راحة النادي بس كنت دائمة شوية بعدها ماحستش بنفسي غير وعبير بتص.رخ .
أدم بهدوء:أغمي عليكي وجابلوك الدكتور.
صحي يتساءل:طيب الدكتور قال أيه.
أدم بحزر:قال إنك حامل.
لتجحظ عين ضحي بشدة وتتحدث بصدمة:أنت بتقول أيه.
أدم بهدوء:زي ما سمعتي والدكتور كتبلك علي شوية تحاليل عشان يتأكد.
لتنفض ضحي بلهفة:طيب يلا بسرعة عشان نتأكد.
أدم بلهفة:طيب إهدي شوية لما ترتاحي.
ضحي بدموع :لا مش هرتاح يلا بينا .
أدم بقلة حيلة:حاضر.
في غرفة فرح.
تنام فرح بعمق ليفتح الباب وتدخل عبير وهي تنظر لها بتشفي فمعني حمل ضحي أن فرح ستعود للشارع من جديد.
لتحاول إيقافها بحنان مصطنع:فرح يا فرح أصحي يلا.
فرح بنوم:أيه يا خالتي هو الساعة كام.
عبير بسخرية :الضهر أذن يا حبيبتي.
لتنهض فرح بفزع:ليه يا خالتي مصحتنيش أصلي ركعتين الضحي.
عبير بمكر:معلشي يا حبيبتي أصل ضحي هانم تعبانة أوي.
فرح بقلق:ليه مالها.
عبير بخبث:أغمي عليها وجبنلها الدكتور وتخيلي قال عندها أيه.
فرح بتساؤل:قال أيه.
عبير بتشفي:حامل ضحي هانم حامل.
في الصيدلية.
يجلس أحمد وهو يتحدث علي الهاتف مع سـhر بحنان مصطنع:يا حبيبتي زي ما قولتلك هنتجوز خلاص هانت هطلق مراتي طيب أقولك علي حاجة خلاص
دورت علي شقة ونبدأ أجهز فيها بس أصبري عليا شوية وعايزك تبقي في ضهري كده مش كل شوية تقوليلي مش هتجوزك وانت مبتحبنش ثم يكمل
بخبث متعرفيش أنا بعمل أيه عشانك ويا ستي حددي معاد مع والدتك وهاجي أتقدملك رسمي عشان تطمني باي يا قلبي ليغلق الهاتف ويتحدث بمكر
فاضل علي الحلو تكه والله لو خطتك نجحت يا واد يا شاكر لأحليك بوقك.
في شقة عبير.
تدور في شقتها بسعادة وهي تحدث حالها أخيرا حالي زي الكل.ب يا أحمد أفندي وخلاص هتجوز دكتور وإبن ناس وكل بنات الحتة تتمناه أيوة كده.
في المستشفى.
يجلس أدم وعبير في غرفة الطبيب في إنتظار حضور الممرضة بنتيجة التحاليل.
ضحي بلهفة:يعني ممكن أكون حامل فعلا يا دكتور.
الدكتور بإبتسامة:أيوة يا مدام ضحي من الكشف المبدئي والاعراض إلي قولتي عليها تأكد كده والتحاليل دلوقتي تطلع وبإذن الله خير ولو حصل دي تبقي معجزة من ربنا لأن التبويض كان عند حضرتك يكاد يكون شبه معدوم بس ربك لما يريد.
ضحي بأمل :يارب يا دكتور.
ليدق الباب وتدخل الممرضة وهي تحمل في يدها التحاليل وتعطيها للطبيب وتغادر.
لياخذها الطبيب ويتفحصها وسرعان ما تزين الابتسامة وجهه:ألف مبروك يا مدام ضحي مبروك يا أدم باشا .
ضحي بفرحة:بجد يا دكتور سامع يا أدم.
أدم بابتسامة:سامع يا حبيبتي ألف مبروك.
الدكتور بعملية:أتفضلي علي عرفة الكشف عشان نعمل سونار مطمئن علي الجنين.
ضحي بفرحة:حاضر.
في فيلا أدم.
في غرفة فرح.
فرح بفرحة:حامل بجد.
عبير بصدمة:أنتي فرحانة كده ليه.
فرح بهدوء:ومفرحش ليه مدام ضحي وأدم باشا طيبين أوي ويستهلوا كل خير .
عبير بصدمة:والله انتي إلي طيبة أنا راحة أحضر معاهم الغداء بدل ما أتش.ل لتغادر إلي الأسفل وهي تتمتم أيه المجن.ونة دي .
منك لله يا إلي بتسرقي الرواية
في أحد الشقق علي النيل.
تقف فتاة في البلكونة بعيون زرقاء وبضرة حبيبي وشعر ناعم حريري تخفيه تحت حجابها وتتحدث في الهاتف وهي تنظر للنيل بشرود وتتحدث بهدوء:يا
أمي سامحيني مش هقدر أنتي عارفة ضحي لا مكلمتوش لأن هي بتبقي جنبه يا ماما وأنتي عارفها طبعا بقي يوه يا أمي خلاص أنا خلصت إمتحانات
وهرجع أقعد معاكم يومين أبقي كلميه لما أرجع وانا هكلمه معاكم وتبارك ليه أه هنزل تدريب يا ماما أنا ومني صاحبتي حاضر يا حبيبتي سلميلي علي
إلي عندك سلام لتقف وتنظر أمامها بشرود.
لتفيق علي من تضع يدها علي كتفها لتفزع أسيل وتصرخ بشدة وهي تنظر لصديقتها التي أتت من الداخل لتناديها.
أسيل بغيظ:حـrام عليكي خضتيني يا مني.
مني بضحك:خلاص يا ستي أسفة مالك بقي لسه بردوا موضوع أخوكي بس بصراحة مامتك عندها حق لازم تصلحيه.
أسيل بهدوء:أنا مش زعلانة منه أنا زعلانة من تصرفات ضحي.
مني بهدوء:معلشي يا قلبي عشان خاطر مامتك ويلا عشان نتغدا بقي.
أسيل بهدوء:يلا بينا.