دلوقت. انت المفروض تبقا مبسوط مش هو ده ال انت كنت عايزو مراتك مشيت وهايدي ال انت بتحبها بقت معاك… بص انا من رأي تطلقها وكفاية لحد
كدة. ادهم بغضب .انا مش هطلقها عمر . ماهو مش معقول عايز تعمل ال انت عايزو وهي ميبقاش ليها اى رد فعل. ادهم بندم . انا عارف اني غلطان
عمر . انت مش غلطان دلوقتي بس انت غلطت في حقها كتير من وقت ماتجوزتها وانت بتخونها وبتعاملها اوحش معاملة….. انا مش فاهم كنت عايز ايه
.. تبقي عارفة كل عمايلك السودة دي وتعيش معاك عادي ادهم انت ال طول الوقت حاطط في دماغك حجة انك متجوزها غصب عنك وبتعمل ال انت
عايزو ومش هامك حاجة دلوقتي زعلان ليه بقا أنها سابتك ماهو المفروض هو ده ال انت عايزو مش كدة.. طلقها بقا وعيش حياتك. ادهم . بس انا بحبها
.. انا مش هقدر اعيش من غيرها انا حتي مش قادر اروح البيت وهي مش فيه. عمر . نعم ..ومن امتي الكلام ده. ادهم . مش عارف بس انا رافض فكرة
انها تبعد عني عمر بسخرية . يعني انتا عايزها تبقي معاك وتعمل ال انت عايزو عادي مش كدة ………….. عند شهيرة كانت بتكلم اختها ال هي مامت
ميرنا (وفاء) وفاء. ينفع ال ابنك عملو ده شهيرة بأسف . انا مش عارفة اقولك ايه يا وفاء والله انا عارفة ان ادهم غلطان. وفاء . بصي يا شهيرة متقوليش
حاجة كل ال عليكي تقنعي ابنك يطلق بنتي.. هي عايزة تطلق وبصراحة أنا كمان عايزة كدة …انا مش هقبل أن بنتي تفضل مقهورة كدة طول عمرها من
عمايل ابنك.. وهي مش ناقصها حاجة عشان يبص برة ويخو.نها كل يوم مع واحدة شكل شهيرة . كل ال بتقوليه عندك حق فيه ..بس ده لو هو مش
ندمان …صدقيني ادهم ندمان على ال عملو وفاء .خلاص ياشهيرة انا بنتي استحملت معاه كتير انا مش هسمح انو يإذيها تاني .كفاية لحد كدة ياريت
تخليه يطلقها بهدوء شهيرة . يعني يا وفاء بدل ماتهديها انتي ال بتعملي كدة وفاء . خلينا واقعيين .لو بنتك هتقبلي عليها كدة. شهيرة بعتاب .اخص
عليكي يا وفاء وهي ميرنا دي مش بنتي .ربنا ال يعلم انا بحبها قد ايه انا عمري مفرقت بينها وبين مها .وطول الوقت باجي علي ادهم علشان خاطرها
وفاء . خلاص لو فعلا بتعتبريها بنتك تبقي تخليه يطلقها يا شهيرة شهيرة . بردو … عموما انا هسبكو شوية تكون ميرنا هديت وانتي كمان..و ياريت يا وفاء
بلاش تشجيعها علي موضوع الطلاق ده. ……… تاني يوم في الشركة نهي قاعدة بتشتغل بهدوء .. تليفونها رن نهي ابتسمت لما بصت في التليفون