نفخ بضيق وقام دخل الأوضه وقفل الباب
مسحت دموعها اللي نزلت ودخلت عملت أكل وعملت الأكل اللي بتحبو لإنها تعرف عنو كل حاجة
قربت من الأوضه وقبل ما تخبط سمعت حاجة بعدت بسببها عن الباب وهي حاطه إيديها علي بوقها وبتعيط في صمت ومصدومه .. سارة كانت رايحة تنادي فارس بس سمعته بيتكلم في الفون وبيقول : أنا إتجوزتها زي ما طلبت ومن حقي
أنزل أقعد مع صحابي علي القهوة شويه مدام مش راضي تخليني أروح الشغل
الطرف التاني بعصبيه : إلزم حدودك ودي مراتك والمفروض تقعد معاها وبحذرك لو زعلتها أنا مش هسكتلك وهقف في طريقك إنت فاهم
فارس بعصبيه : وأنا مبحبهاش وإتجوزتها بالإجبار وإنت عارف إن بحب ميرا ومن بدري أوي يا تخلوني أتجوزها بالتراضي
يا هتجوزها بالغصب
الطرف التاني بتحذير : لو عملتها مش هرحمك إنت سامعني واللي إنت بتقول مش بتحبها دي كنت ميت في دباديبها من سنه تقريباً إيه جرا يعني ؟
فارس بضيق : عمري ما حبيتها كانت تسلية وفي الأخر جات علي دماغي وإتجوزتها