أدهم انسان هوائى يحب الهدوء، ولقى فى أهتمام شاهنده فرصه السلام النفسي
خاصه ان المصنع حقق أرباح كبيره بسبب توصيات شاهنده وعلاقتها الكويسه مع سانتى بعد ما والدها زكريا اتوفى
كانت شاهنده تعمل بتفانى بلا مقابل ولا مره اشتكت ولا مره طلبت اى شيء لنفسها
فى الفتره الاخيره قابلت شاهنده بعض العقبات فى الشغل خاصه بالتوقيعات والى لازم كان أدهم يوقعها بنفسه
وكان دا بيسبب تأخير كتير وبعض الصفقات هربت منهم
شاهنده لمحت لادهم كده وانها محتاجه توكيل عشان تقدر تخلص الحاجات دى
طبعا مقلتش كنه صراحه لكن أدهم فهم
وكان شايف انه دا حل كويس طالما شاهنده موجوده على طول فى المصنع
فى الوقت ده هبه كانت دايما موجوده فى البيت فى غياب شاهنده
بتلبى طلبات أدهم زى ما اخته شاهنده طلبت منها
أدهم مكنش يعرف ان هند اخت شاهنده وكان معتقد انها مجرد صداقه عن طريق الصدفه
الأوضاع كانت ماشيه تمام
كان يوم جمعه وادهم قرر يوم السبت هيعمل توكيل لشاهنده ويريح دماغه
باتى إحنا مش لازم ندور على هند انا قلبى مش مطمن، كفايه أدهم يتطلع على الحقيقه وكل حاجه ترجع زى زمان
باتى __انا مش بعمل كده عشان أرجع لأدهم يا كيان، انا مش هرجعله تانى، انا أتظلمت ومكنتش فى وعى وأعتقد أدهم كمان لازم يعرف الحقيقه
واعذرينى والدتك كمان شاهنده لازم تتعاقب على إلى عملته
كيان ___ انتى وعدتينى يا باتى انها مش هتتأذى؟
نظرت باتى تجاه وجه كيان الفتاه اللطيفه التى تكاد تدمع، انا قلتلك انا مسامحه فى حقى!!
كل إلى بتمناه الحقيقه تظهر وهترجى أدهم يسامحها كمان ويمكن دا يكون درس ليا انى ماثقش فى ٱحد بسهوله
واسمحله يدخل حياتى ويدمرها
الشيء إلى فعلا مستغرباله جدآ، ليه والدتك بتعمل كده؟ إيه كمية الكرهه والحنق دى؟
اشاحت كيان وجهها للناحيه الأخرى، كان التاكسى يقطع الطريق المحاذى للنيل وبعض الفلايك المتفرقه مبحره هنا وهناك تفرد الأشباك قريب من ضفة النهر
حياتى والدتى مكنتش سهله أبدآ، قبل وفاة والدى انا كنت كبيره شويه ومتذكره الخناقات إلى كانت بتحصل ما بينهم
دموعها كل ليله كنت بشوفها وهى خارجه من غرفة النوم ناحية الصاله او الحمام
والدى مكنش بيسمح ليها تخرج من البيت ولا تقابل صاحبها
انا معرفش أن كانت عيلة والدتى موجوده ولا لا