عمار رفض يروح لحد الصبح بايت جنب اوضتها كل دقيقة يدخل يبص عليها من بعيد
واخر مرة قعد جنبها لحد مانام
صحيت الصبح لقيته على كرسي جنبها ونايم
غمضت عنيها وفضلت تفكر
لحد ماعقلها تعبها من التفكير وبالنهاية وصلت لخطة هاتغير بيها كل حاجة
شوية وهو صحي اول ماشافها باس دماغها
قالها:انا اسف حقك عليا عمري ماتخيلت دة يحصل سامحيني مكنتش عارف غلاوتك
زينة مش بترد
لحد ماجه صلاح ومعاه الدكتور عمار خرج
خبط الباب ودخل عمار لما لقاهم خلصو كشف
والدكتور قال ممكن تروحي بس بشرط راحة تامة والعلاج بمواعيده
عمار قاله انا هاراعيها بنفسي
زينة مش بتتكلم لحد ماخرجوا اول ماركبت العربية
قالتله روحني
قال ما احنا هانروح
قالتله لأ روحني بيتي
عمار قالها زينة اهدي
صرخت فيه روحني ياعمار
حاول يلمسها ويهديها رفضت وزقيته وضربت ايده وقالت ماتلمسنيش
قالها حاضر بس اهدي
واعملي حسابك لما والدتك تعرف هاتتعب ازاي وهاتبقي انتي السبب
سكتت زينة وقالت ماشي مؤقتا نروح بس لحد مااخف 😒
روحوا وهنا جريت عليها حضنتها وعيطت ابتسمت زينة طمنتها :انا كويسة متقلقيش
عمار قالها هاطلعها ترتاح ياحبيبتي قوليلهم يحضرو الاكل
عمار شالها لحد فوق ونزلها على السرير
وخرج لحد الليڤنج شوية والاكل وصل دخل بالاكل لحد عندها
كانت بتعيط قعد جنبها دورت وشها مسح دموعها
وصمم يأكلها وبعدين قالها : بصي
اخر الكلام عاوزك تفهمي اني لو اعرف اكيد كنت هحافظ عليكي
ولو انتي فاكرة اني وحش عمري ماهاكل ابني او مراتي
ضحكت زينة وقالتله : انت قتلته وانا مقدرش اامن ليك بعد كدة انا كان ممكن اموت بسببك ويارتني
مـoت مع البيبي 😭😭😭😭 وعيطت بهستريا
عمار اتصدم وسابها خاف يقرب منها لتعمل حاجة بنفسها ونزل قال لهنا تهديها
و دخل الجيم الي موجود بالجنينة وبكل غيظ ساعتين بيضرب الساند باج ودة بيعمله لما يتعصب
لحد ماهدي شوية
طلع رمى نفسه بالبسين وخرج منه اهدا من الاول حاسس انه ارتكب جرmمة بدون مايقصد ولازم يكفر
عنها
طلع غير هدومه ودخل عند زينة لقاها نايمه
قرب منها وحضنها بالراحة استغرب نفسه انه خايف يضمها جامد لتصحى
فضل يفكر لحد مانام وهي في حضنه
وهي حاسة وبتفكر هل فعلا هايتغير بسبب الي حصل و هل خطتها هاتنجح
ونامت وهي بتدعي قلبها واجعها عالبيبي ولكن قدر وامر الله وماشاءالله كان
والحمد لله ان الدكتور طمنها لما سألته رد عليها انها تقدر تخلف تاني ومحصلش اضرار للرحم تمنع
الانجاب
الصبح قام عمار راح شغله مضى على الاوراق المهمة وساب ابن عمه يكمل مكانه
وقبل مايرجع البيت راح اشترالها هدية
وروح واول مادخل وشافته كانت صاحية وقاعدة في الڤراندة قرب منها باس دماغها و قدملها الهدية
وكانت خاتم الماظ
خدته منه ورمته على الارض قالتله :عمار انا عاوزة …….