خطوه بصدمة وعينيه دمعت وأيدي كتمت بيها شفايفي ولكن ما منعش همسه مصدومة خرجت بأسم عاشقي
* محمد
ابتسم كأنه شافني واداني ضهره ودخل السرداب الداخلي فتحت باب المكتب وجريت وراه بس على طراطيف صوابعي ودخلت قبل ما تتقفل البوابه المكان كان ضلمة شويه بس الشموع منوره المكان حسيته مكان قديم على الاستايل القديم بس نضيف رفعت حاجبي وأنا شيفاه داخل اوضه ماشى
بهدوء ورزانه غمضت عيني واستخبيت ورا عمود لما بص وراه
* همسكك ياح*رامي يان*صاب قولتها بهمس وبطلع التليفون جهزت الكاميرا علشان أصور وأخذ إثباتات
قربت من أخر اوضه فى الممر إلى دخلها وفتحتها مره واحده
* ابتسم يا حلو اتفضحت علي ايد
وقفت كلامي والفون اتهز في ايدي وعينيه مصدومه من جمال المكان وتجمع العيله كلها والاوضه
نورت مره واحده والشموع وتورته بحجم كبير
بقلم أسماء الكاشف
_مفاجأة
قالها الكل ورمشت بعيني بدور علي عصابة والاقي حفلة مكانها وأسامة معاهم قرب محمد مني بإبتسامته إلى بتسحرني ومد ايده ليه بهديه علي شكل تمثال ذهبي اتحرجت وأخذتها من ايده بإبتسامه باهته فقرب من ودني وهمس
– كل سنة وانتى طيبة كل سنة وانتي فى حياتي وكل حياتي يا مسك القلب والروح
قالها برومانسية وقعت قلبي في حبه أكثر ابتسمت ببلاهه وعملت نفسي ملهيه بالهدية
*وانت طيب
-بس كده
قالها وكشر وشه بطفولية ضحكت بحرج
*يامحمد
رفع حاجبه لفوق بغيظ
*ايه اومال عايز اقول ايه ثاني
قولتها برخامه