وبعدين أردف بجدية : كل اللى ادم حكاه صح معادا أنه اتعاون مع الكلب ده وبيوصله اللى احنا عايزينه يوصل و سيف فاكر أنه خاين وأنه بيساعده وهو فعلا قبل حادثة زمردة جه لادم عشان يساعده وادم وافق وجه حكالى بعدها على طول بس معرفش أنه كان ورا الحادثة بتاعت زمردة الا بعدها عشان كده
معرفش يحظرنى قبل الحادثة بس بعد كده قرب منهم اكتر وبقى عارف كل تحركاتهم بحجة أنه منهم واخر حاجة قبل فرحكوا يا رهف عرف أنهم ناويين ياذوكى ويأذوا زمردة فكان لازم نعمل كده عشان
نحميكوا ونخليكوا برة الصورة خالص مكانش ينفع نقولكوا على اللى بيحصل عشان سلامتكوا بس مقدرناش نكمل واحنا شايفينكوا بتتعذبوا وقولنا هنقولكوا الحقيقة وانتوا كمان تساعدونا
زمردة ورهف كانوا فرحانين فوق الوصف بس بصوا لبعض بصة فهموها كويس وأنهم هيربوهم شوية
زمردة : انا عايزة اروح
رهف : وانا عايزة انام
ادم وزين استغربوا من سكوتهم
وزين خد زمردة وروحوا ورهف طلعت اوضتها ونامت وادم كمان
زمردة فضلت طول الطريق ساكتة وصلوا وزمردة جت تدخل اوضتها وقفها صوت زين
زين : زمردة