زين : ا……………
( يقاطعهم خبط الباب .. يقوم زين يقف ويبص لروح .. كانت لسه هتتكلم يحط ايه ع بقها يسكتها ويقرب من ودنها )
زين بهمس : افتحى الباب هتلاقيه بتاع دليفرى قوليله انا مطلبتش حاجه .. لو سألك انتى لوحدك ولا لا .. قوليله ف حاجه ! وحاولى تبينى
انك لوحدك .. يلا
( روح تبصله باستغراب .. يشيل ايده من ع بقها )
زين : اوعى تغلطى فاهمه
روح : طب فهمنى
زين : مش وقته افتحى
( يدخل زين الاوضه ويرد الباب .. تتنهد روح وتفتح الباب تلاقيه بتاع دليفرى فعلا )
روح : ايوه !
دسوقى : البيتزا يا مدام
روح باستغراب : انا مطلبتش حاجه