اللحظه دى قررت أن علاقتى بنور انتهت، مش غاضب بس غير حاجه واحده انى اقتص لكرامتى إلى انجرحت وازلها زى ما عذبتنى
ولعت انا كمان سيجاره وعملت نفسي مكسور، طالما كده، يبقى انتى عارفه ان وجودى هنا ملوش لازمه
لاحظت ان هند بتلعب فى تليفونها وانا بكلمها، الحقيقه اه يا أدهم
كلامك ده غير حاجات كتير انت متعرفهاش
لكن نور مش هتصبر كتير، انت ماضى على وصل امانه صح؟
قلت ايوه صح
٢٥٠٠٠٠
مبلغ مش قليل يا أدهم وبصت بعيد لحظه كنت خدت فيها قرارى
انا ماشي يا هند، خلى بالك من نفسك، خدت بعضى، مشيت، ركبت العربيه وطياره على البيت
دخلت الشقه غيرت هدومى ودخلت أوضة النوم قفلت الباب وقعدت جنب نور
نور باستغراب انت جيت بسرعه كده ليه؟
هند حصلها حاجه؟
ولعت سيجاره، بصيت فى عيون نور، لا محصلش حاجه، هيحصل ايه يعنى
فضلت ادخن السيجاره وهند قاعده بتغلى وتفكر،
قربت منها بوستها، نور بعدت عنى
راحت تمسك الفون، خدته من ايدها وبعدته عنها