بقلم دعاء أحمد
سلطان:اظن أنه مهم فعلا لينا احنا الاتنين اقعدي يا غنوة…
غنوة قعدت على الركنة و بصت له
:موضوع اي دا بقا
سلطان:غنوة انتي اكيد فاكرة اتفاقي معاكي قبل ما نيجي البيت دا
ان فترة و هنطلق و انتي هتروحي لحالك و الموضوع دا هينتهي صح..
غنوة هزت رأسها الايجاب و هو كمل كلامه
:باختصار يا غنوة أنا مش عايز دا يحصل… و بصراحة أكتر الكلام اللي عندي مينفعش فيه اختصار…. بصي أنا هقولك و لأول مرة أعترف بالحقيقة دي… رغم انك تشوفيها موذية
غنوه: ممكن تتكلم على طول لأنك بتوترني
سلطان بجدية و ارتباك
:غنوة أنا عندي مشاعر ليكي… معرفش ازاي و لا ليه بس أنا لأول مرة احس بالمشاعر دي
يمكن دا حصل من قبل حتى جوازنا..يمكن كنت معجب بيكي و معجب أنك بتشتغلي
انا عمري
ما شفتك قليلة بسبب شغلك أبدا بالعكس شفتك جدعة اوي و ذكية… شفتك مختلفة عن أي واحدة تانيه… معرفش ازاي بس لما قلتلك
عيونك دباحة مكنتش بكذب و لا حتى بهزر
يمكن كانت تلقائي بس خرجت من قلبي لأول مرة…. يمكن لأول مرة احس بالانجذاب لحد كان وقتها
لما عرفت موضوع فريد حسيت بالغيرة أنه ساب كل البنات اللي في الدنيا و بص ليكي في الوقت اللي انتي الوحيدة اللي شغلتي
تفكيري….و كنت خايف من انه يمكن مصـiبة توقع العيلة في بعضها
و بصراحة لقيت انها حجة….. مكنتش قادر اعترف اني عايزك لنفسي مش مجرد اني ابعدك عن فريد مع ان كنت اقدر اعمل كدا من غير موضوع الجواز دا….