ابتسم يزن وقال : دقيقه وداده ام حسن تحط الاكل.
ندي : انا روحت اجيب اكل والله بس معرفش انتي كنتي هتكلي ايه ونسيت اسالك خالص يافرح .
فرح بابتسامه: ولا يهمك ياقلبي .
فهد : طب ايه انا كمان جعان .
يزن : اصبر يامفجوع .
مريم بتكبر : انا هطلع اغير هدومي وارتاح حبه .
ندي : ليه مش هتكلي معانا .
مريم : لاء عاوزا ارتاح عندي صداع .
يزن : تمام بس اصبري اما داده تنضفلك اوضه عشان الاوضه الجنبي خدتها فرح .
مريم بغيظ : ليه ان شاء الله لاء مليش دعوة انا عاوزا اوضتي وبعدين هي مش مراتك ازاي مش بتنام في اوضتك .
فرح وهي بتغيظ في مريم : لاء ياحبيبتي ازاي بنام طبعا بس انا بحب الاوضه دي وكمان بقعد فيها انا وندي ويخسره لو ماما مجتش كنتي تقدري تاخديها بس ماما هتقعد فيها .