هدومها . . . وخرجت من الحمام وهى حاسه انها مش قادره تقف مش عارفه هى ماشيه ازاى اصلا . . .
فضلت تتسند على الحيطه لحد موصلت للسلم وفضلت تنزل براحه . . .
وهى حاطه ايديها على راسها . . . خلاص مش قادره تتحمل الألم . .
اول منزلت السلم . . عيطت . . عيطت من قله الحيله الى هى فيها ومن الألم . .
لقيت حد جه من وراها ومسكها من دراعها وقالها
ايه الى انتى عاملاه فى نفسك ده ؟ تعالى معايا . . .
ملاك بصيت لقيت . . . . وفجأه الرؤيه بدءت تتشوش . .
يونس مسكها من دراعها وقالها . .
يونس : هوب . . انتى هتقعى ولا اى ؟ ارفعى راسك لفوق وحاولى تاخدى نفسك كويس . . .
شمس مكانتش شايفه قدامها اصلا . .
يونس سندها لحد العياده عنده وراح مطلعها على السرير . . .
وهى كانت بتعيط من الألم الى فى دماغها . .
يونس جاب جهاز الضغط وقاسلها ضغطها بس لقاه المره دى واطى جدا . . .
كانت لسا الكانيولا فى ايديها يونس علقلها محاليل تانى بسرعه وحطيلها فيها علاج ومسكنات قويه . . .
ملاك قالتله : انا سقعانه . .