علي.. انا خايف عليها اوي..ليلي لو حصلها حاجه انا ممكن اموت وراها
يحي..اجمد كدا يعلي…المفروض انها هتاخد قوتها منك انت لازم تبان قوي ادامها..فاهمني
علي..فاهم…بس بجد الموضوع صعب اوي..انا حاسس انها بنتي بجد….
يحي.. طبيعي..مش انت اللي مربيها طيب يعلي…انت كلمت امك قولتلها تدعيلها
علي..قولتها تدعيلها لأنها تعبانه..بس مقولتلهاش عشان متتخضش..لما تيحي هجيبلها الموضوع براحه ..ونت اوعي حد يعرف حاجه
يحي..متقلقش يبني…انت بس عاوزك تكون انت اللي مديها امل..وبعدين لسه نتيجه التحاليل مظهرتش ..صح
علي بحزن..الدكتور شكله متاكد..انا وهي لاحظنا كل دا……..
كانت ليلي قاعده في الاوضه بتاعتها خايفه جدا ومتوتره…الحاجه الوحيده اللي مطمناها هو علي وبس …حاسه انها
هتكون كويس بس عشانو…
عدي الوقت ويوم ورا يوم لحد ما عدي الأسبوعين ورجعت رضوي من العمره….وعلي حاول يجيبلها الموضوع براحه لكنها كانت حرفيا هتموت من الرعب ع ليلي..بتحبها جدا زي بنتها واكتر كمان…..الدكتور حددلهم اول معاد لأول جلسه وعلي
بيعمل كل اللي عليه عشان تكون ليلي في حالة نفسية كويسه……….كانت قاعده علياء مع رضوي لوحدهم….
علياء..بقولك اي..احنا هنرجع الجيزه كمان اسبوع كدا….
رضوي..تنورو يحبيبتي…بس شكلك عاوزاني في حاجه تانيه…