كلامه كان أبشع بكتير من سكوته ومظهره البارد
هاني:حذرتك كتير يا رزان انك تقفي قصادها قولتلك انها مش هتسمحلك أبداً تتحديها ،غرورها هيخليها تحاول تكسرك بكل الطرق حتي لو هتعذبك أو تقتلك لكن انتي مستوعبتيش مدي قسوتها وجبروتها
رزان مذهولة من اللي بتسمعه مش مصدقة انه جاي هنا يعاتبها مش مصدقة ان دا رد فعله علي الوضع اللي شافها فيه،مش لاقية أي كلام ممكن تقوله ،نفسها تشتمه تضربه بس مفيش حاجة أبداً هتعبر عن قهرها في اللحظة دي
رزان بصراخ:انت هتخرجني من هنا!
هاني:لو بإيدي كنت خرجتك
رزان:ومش بإيدك ليه؟
الباب مفتوح أهو يلا نخرج
هاني:في اتنين بره لو حاولت اهربك هيقتلونا إحنا الاتنين
رزان بصوت واطي:أخرج دلوقتي وبكرا تجيب معاك مـsـدس تهددهم بيه أوندافع عن نفسنا ونضربهم بيه لو لزم الأمر
هاني بإعتراض:مـsـدس اية دا اللي أضربهم بيه أنا مش قاتل
رزان :لو ضربت عليهم نار دا مش هيكون قـtـل دا هيكون دفاع عن النفس لكن انت لو سبتني هنا تبقي بتشارك في قَتلي
هاني:مش هيقتلوكي طول ما انتي بتطيعي أوامرهم
رزان:لغاية أمتي؟