من الدرجه الاولى عمره ٢٦ سنه بنسبه للشغل هو ملوش في الكلام ده خالص
هنا الخولي بنت جميله جداجدا شعرها طويل عيونها عسلي بيضه وعندها غمزات وجسمها ممشوق جمالها غير عادي وكل الي يشوفها يعجب بيها عمرها ٢٢ سنه مرحه وبتحب الحياه من اسره فقير عايشه مع والدها ومماتها واختها ندي
الي اصغر منها ب ٣ سنين ندى متفرقش في الجمال عن اختها بس ندى رقيقه وطيبه لابعد الحدود وباقى الابطال هنتعرف عليهم مع الأحداث
نرجع بقى امال طلعت تشوف سليم واول ما فتحت باب اوضتو اتفاجئت بالمكان كلو متكس.ر وسليم قاعد على الارض
بيبكي وايده مجروح.ه وبت.نزف جريت علين امال بخوف وقالت..ايه الي انت عملتو ده ليه كده بس يابني
سليم اترمى في حضنها وبقى يبكي بشده ويقول..شوفتي شوفتي عمل فيا ايه مش قادر يا امي هموت مش عارف ازاي هشوفها كل يوم معاه انا مستحيل افضل هنا وحط ايده على قلبو وقال قلبي حاسس بنار في قلبي موجوع يا امي وبقى
يبكي بشده
امال كانت بتمشي ايدها على شعره بحنان وصعبان عليها حالو جدا قالت.بس ياحبيبي اخوك بيعمل كده علشان مكسور يا حبيبي وانت وعدتني انك هتخليه يسامحك وترجعو زي الاول وقلتلي هتستحملو بقى ازاي عايز تمشي
سليم..بس انا كنت بستحمله وبعذره في كل حاجه حتى لما منعني ادخل البيت او اشوفك سنتين بس انا دلوقتي حاسس اني متكتف هيجيبها هنا يا امي هتبقى قدامي
امال. عارفه انها صعبه بس انا واثقه انك تقدر تعديها وانامعاك وهفضل جمك لحد ما ترجعو احسن من الاول يلا
استهدي بالله كده وقوم معايا خليني اربطلك ايدك الي بت.نزف دي وانزل معايا واقوي كده متخلهوش يعرف جرحك علشان ميضغطش عليه
هنا كانت قالت لاهلها على الي حصل علشان ميفتكروش انها اتجوزت من وراهم وبباها زعل عليها جدا بس مكانش
قدامو حل وحاتم رنلها وقلها تنزل حتى مطلعش ياخدها ودعت اهلها ونزلت ودموعها في عنيها مش عايزه تضعف علشان بباها
اول مانزلت لقت عربيه حاتم ركبة معاه و طلع بيها على قصر الحسيني.