رقيه: انا جعااانه يا ماما تصدقي بقا يا ماما يونس مأكلنيش اي حاجه مش كنتو تقولولي انو بخيل كده
دولت بخضه: يا حبيبتي معقوله مكلتيش كده يا يونس والله زعلت منك
يونس بصدمه: نعم يااا اختي امال مين الي فطرر معايا من شويه ده وكان هياكلني
رقيه بزعل مزيف: محصلش يا ماما ده بيكد*ب عليكي
دولت لسه كانت هتقوم بس لمحت الخاتم في ايد رقيه مسكت ايديها بفرحه وقالت: الله حلو اوي يا حبيبتي علي ايدك الف مبروك يا حبايبي ربنا يتمملكم علي خير يارب
رقيه بكسوف وتوتر: يارب يا ماما
دولت وهي بتقوم: هروح اعملك حاجه تكليها بايدي يا حبيبتي
رقيه ببتسامه: ماشي يا حبيبتي
وسبتهم وراحت المطبخ ورقيه بصت علي يونس كان بيبصلها بشرر
رقيه بتوتر وارتباك: يا ماماااااا استنيني انا عوزاكي
ولسه قايمه تجري بس كان يونس اسرع منها ولحقها وشالها علي كتفو وطلع بيها الاوضه بتاعتو..
دولت وهي بتبص عليهم وقالت بضحك: ربنا يديم الفرحه في بيتنا يارب واكملت بحزن ويحنن قلبك يا هشام علي ابنك ربنا يستررر