– متجوز مجنونة والله
اليوم عدى من غير مشاكل كنا تقريبا مسالمين كل واحد فى اوضته
بالليل خبط عليه وأنا سمحتله يدخل لقيته لابس ترنج كحلي جميل اووى ماشى مع لون عينيه
– منكن ادخل عايزك فى موضوع مهم
قالها بهدوء شاورت براسي موافقة
*طبعا تعالي قولتها بهدوء وشاورت على كرسي جنبي قعد
– بكره هنروح نزور اهلى لو معندكيش مانع
*جدو
-لاء عمي
ضيقت عيني بإستغراب اول مره يجيب سيرة اى حاجه عن عيلته جده هو الشخص الوحيد إلى قابلته منهم وباباه وامه متوفين وماعندوش أخوات غير البنت إلى شوفتها معاه يوم الفرح
*أول مره تجيب سيرته كنت فكراك ملكش قرايب خالص غير جدو حسن
– عندى عمي وعيلته هم فى مصر هنسافر بكره ليهم ان شاء الله اجهزى قالها بهدوء ومشى بهدوء اتنهد من طريقته ونمت من التعب
ثاني يوم الصبح كنا مجهزين كل حاجه والشنط جاهزه