مريم ببكاء:”مس متقبلة أسفك ده أبدًا .. أنا تقبلتك على حقيقتك لما عرفت إنك قاتل .. بس مع الأسف كرهتك ومش طايقة وجودك وخاصة من بعد ما عرفت إنك السبب في كل إللي أنا عشته، أنا أختي عملتلك إيه؟؟ سارة مكنش في أطيب وأحن منها، إزاي تقتلها؟، إزاي تحرمني من أختي إللي ماليش غيرها؟ أنا كنت دايما مقتنعة إنك عمرك ماهتأذيني .. مهما يكن جوزي حبيبي عمره مايأذيني .. لكن إنت عملت إيه؟؟؟ إنت قتلتني يا ياسين، إنت قضيت عليا.”
صمتت قليلًا تنظر لحالته وهي تشهق شهقات كبيرة … ثم إستكملت حديثها ..
مريم:”ليه قتلتها؟؟”
ياسين وهو يتنفس بصعوبة:”عشان خانتني، باعتني لأعدائي .. كانت بتقابل ناس عايزين يخلصوا عليا وبتتفق معاهم عليا.”
هزت مريم وهي تقوم بمسح دموعها ..
مريم:”برافو عليك؛ وبعد كده قتلتها صح؟ ده السبب؟”
صمت ولم يُجبها …
مريم ببكاء:” تعرف يا ياسين، انا بكرهك جدا وفي نفس الوقت مشفقة عليك جدا … أول حاجة عشان أختى ماتت مظلومة لإنها عمرها ما خانتك ومهما يكُن ذنبها إيه؛ فهي ماتستحقش الموت .. وتاني حاجة إنك ماقتلتهاش هي لوحدها، إنت قتلتها هي وإبنك.”
نظر لها بدهشة من حديثها ذلك …
مريم بتأكيد وبكاء:”أيوه، سارة ماتت مظلومة وكانت حامل منك وقتها.”
………………………………………………………..