صغيره
_ ربنا يقدم الل فيه الخير ي معاذ .. كل واحد هياخد عقابه .. دول بيتاجرو ف اعضاء يمعاذ.
قام معاذ ولمحت دموعه خلاص هتنزل وانا من صدمتي دخلت رقدت ع السرير ساكته،مش بتكلم،ماليش نفس اصلا
اتكلم، كل الل بيتردد ف دماغي…” دول بيتاجرو ف اعضاء يمعاذ ”
ماما كانت معاها حق لما قالت ع بابا انسان مش كويس ومعاها حق لما انفصلت عنه،
منار؟! تؤامي، دي لسه صغيره، ياااه بابا اكيد هو الل خلاها عديمة ضمير
كنت ع طول اتمني ان بابا هو الل يخدني يربيني بس الحمد لله ان دا محصلش ..
لقيت الباب اتفتح ف غمضت عيني بسرعه وملحقتش امسح دموعي حسيت بيه وهو بيقعد ع حرف السرير مد ايده ومسح دموعي براحه وبحنيه،
ملس ع طرحتي بإيده وقالي:-
_عامله نفسك نايمه لي؟!
فتحت عيني براحه كان مقرب مني اويي عيونه ف عيوني قرب كني اكتر وانا غمضت عيني تلقائي
همس ف ودني بحنيه وقالي:-
_ مش هتقومي يلا عشان تيجي معايا خطوبتي.
فتحت عيني تاني بسرعه وانا ف صدمه اي الانسان الجاحد دا دا انا مراتك ي اخي اعمل احتراما لمشاعري