ضحكت زمرد : يا شيخ اسكت
.. ……….. ………………………………….. ………
وصلت زمرد القصر دخلت وهى بداخلها امل جديد تريد أن تعيشه معه حب وحنان تريد أن تغمره به
رأت نور المكتب مضاء فإتجهت ناحية المكتب وفتحت الباب وهى تقول : أنا جيت
رفع رأسه عن الاب توب فابتسم اول ما رائها: تعالى
اتجهت ناحيته وهى تقول : اتأخرت عليك
قاسم : اتأخرتى أوى
زمرد بتعجب : ازاى أنا جايه بدرى
قام قاسم من مكانه واتجه ناحيتها ولف يده حول خصرها : لما بدخل البيت ومش بلاقيكى بحس أن الدنيا فاضيه عليا
ابتسمت زمرد ووضعت يدها حول رقبته : بجد
ابتسم لها بحب وحنان : بجد سكت قليلا ثم قال بأسف: زمرد انتى ملجأى وبيتى وحياتى أنا قسيت عليكى ودخلتك فى دايره مش بتاعتك ومكنش ينفع تبقى فيها علشان كده بقولك أنا آسف ..اسف يا زمرد على كل حاجه وحشه عملتها
فيكى
تعجبت زمرد أقاسم القاسي يعتذر ويتأسف حقا فرددت بتوتر : انا قابلاك بعيوبك بس لازم تتكلم معايا وتفهمنى كل إلى فى قلبك يمكن اقدر اساعدك
شرد أمامه ولم يعقب على كلامها ففهمت مقصده وقالت بحنان وهى تحاوط يدها على وجهه: أنا مش هضغط عليك واجبرك تقولى حاجه بس خليك دايما عارف انى هفضل جمبك طول ما انت عايز تبقى احسن طول ما انت بتحاول توصل لبر الامان حتى لو موصلتش بس انت بتحاول
استمع الى كلامها وحنيتها المفرطه تجعله يندم الآلاف المرات على أفعاله السابقه ..
احتضنها بقوه وهو يدفن رأسه فى عنقها وكأنه يهرب من العالم ومن أفكاره ومن كل شىء …..
ظلت تربط على ظهره بحنان وحب وهى مبتسمه أماله فى حياه افضل .