طلعت من البيت بشويش وروحت وقابلت عادل كان متوتر ومرتبك…لسه هسأله لقيت حد شد أيدي …لقيت ربيع …بصلي بغضب وضر*بني بالقلم وقال: -كنت حاسس هتعملي كده وفعلا عادل جالي وقالي علي كل حاجة وخد المكافأة بتاعته -ايه ده يعني ايه ؟!!
صرخت وانا ببكي وببص لعادل …
مسك ربيع أيدي وقال :
-يعني اللي سمعتيه يا حلوة حبيبك باعك عشان شوية فلوس …هو اصلا مكانش بيحبك …كان بيتسلي بس وانتي بغباءك صدقتيه …
بصيت لعادل وانا ببكي وقولت :
-لا مستحيل …هو بيكدب صح يا عادل …انطق …
بصلي وقال :
-انا مقدرش اتجوزك …اسف بس عمري ما فكرت اتجوزك يا شمس …
دموعي نزلت …فوق اللي أنا فيه الراجل الوحيد اللي حبيته خدعني ؟!!!ك*سرني بالشكل ده …
قعدت اعيط وربيع بيسحبني وانا ببصله بلوم.كنت مجر*وحة منه اووي ومستحيل اسامحه علي اللي عمله…
رجعني ربيع البيت وضر*بني وحبسني …خلاص أنا انتهيت ….عادل اتخلي عني وامي ضدي وربيع هو اللي هيتحكم فيا وهتجوز واحد عاجز !!!
مرت الايام وانا محبوسة في البيت …بأكل علشان اقدر اعيش ….جه يوم الفرح كنت زي المي*تة بتحرك وخلاص
ومستسلمة لامي اللي اخدتني وودتني الكوافير والبنات اللي لبسوني الفستان…
اتجوزت عدي وانتهت حياتي خلاص …..
…..
في قصر عدي كنت قاعدة في اوضة النوم …كنت ببصلها بصدمة دي اكبر من بيتنا كله أنا عمري ما شوفت حاجة بالجمال ده بس علي قد جمالها كنت حاسة أنها اوضة باردة مفيهاش روح زي اللي اتجوزته بالضبط واللي أنا بكر*هه دلوقتي من قلبي …
خبط علي الباب خرجني من افكاري وبعدين لقيته داخل علي كرسيه المتحرك بصيتله كويس ..كان وسيم اوسم راجل
شوفته في حياتي ….عينيه زرقا بتلمع بقسوة وشعره طويل واصل لحد رقبته …وعلي وشه ابتسامة باردة وهو بيبصلي بسخرية …قومت ووقفت وقولت بقسوة:
-اقف عندك
بصلي بدهشة ورفع حواجبه ..بس مسمعش كلامي قفل الباب وقرب مني وهو بيزق الكرسي المتحرك وقال:
-مزاجك شكله مش حلو يا عروسة
-اوعي تفتكر اني هخليك تلمسني …
ضحك وقال:
-في حالتي دي مش هلمسك متقلقيش …فهمت ربيع كده
-فهمته ايه ؟!!
قولتها وانا مصدومة …بصلي ببرود وقال:
-هتعملي نفسك بريئة يعني ومش فاهمة
-انا فعلا مش فاهمة
هز رأسه وقال :
-مش مصدق بلاش الالاعيب دي أنا دافعلك فلوس عشان كده
-دافعلي أنا فلوس …ازاي أنا مخدتش حاجة
-انتي هتستهبلي يا بنت انتي يعني مش عارفة اني جوازنا تمثيلية وانتي قبضتي عشان تمثلي أننا متجوزين وحياتنا سعيدة
سكت وسكتت أنا كمان واحنا الاتنين فهمنا اللعبة بتاعة ربيع …بلعت ريقي وقولت :
-انا والله ما اخدت فلوس ولا اعرف الاتفاق …حتي أنا مش موافقة علي الجوازة دي واضر*بت عشان اوافق …
بصلي بصدمة وقال:
-يعني انتي هنا غصب عنك
هزيت راسي وانا ببكي فقال:
-انا طلبت من ربيع اني اتجوز واحدة مؤقتا جوازنا هيبقي صوري وشهرين تلاتة هنتطلق واديتله فلوس علي اساس كده وهو قال إنك طلبتي خمسين ألف
-كداب والله كداب …وانت عايز تتجوز صوري ليه حابة افهم
بصلي وقال :
-عشان حابب انتقم من مراتي الأولي !!!! -نعم انت متجوز ؟!!
قولتها وانا متعصبة فهز كتفه وقال :
-ايوة أنا متجوز
-يعني أنا دخلت علي ضرة
قولتها بصدمة وانا بلطم
-ايوة اكيد انتي فهمك علي قدك ولا ايه .
-وبتهزر كمان
..
صرخت وانا برمي المخدة عليه …
-انتي مجنونة ولا عشان مش عارف ادافع عن نفسي بتعملي كده …لا فوقي بدل ما اقت*لك هنا فاهمة ولا لا …
حطيت ايدي علي راسي وقولت:
-ربيع الك*لب ورطني مع راجل متجوز …
كان عدي باصصلي ببرود وقال:
-خلصتي نواح خلاص …إذا كان خلصتي اقعدي عشان نتفق
-نتفق علي ايه ؟!وفاكرني هتفق معاك ؟!!
-معندكيش خيار يا حبيبتي اصلك اتدبستي خلاص فيا لو طلقتك النهاردة سمعتك هتت*دمر وانا مش وحش كده
هنعمل اتفاق زي الفل نطلع احنا الاتنين كسبانين تمام
سكتت فابتسم وقال :
-هو ده المطلوب شوفي يا ستي ..
-اتفضلي ارغي …
بصلي بتعجب وقال:
-شكلك لمضة ومتمردة كمان بس ده احسن …المهم انا هاخد حقك من ربيع وهديكي الخمسين الف مع وعد انك
تكوني تحت حمايتي أنا مش هخلي لا ربيع ولا غيره يتاجروا بيكي تمام …هتكون ليكي حرية الاختيار لشريك حياتك من غير ضغط وانا بضمنلك ده
-والمقابل
قولتها ببرود …
ابتسم. وقال :
-والمقابل بسيط اوووي تمثلي أن جوازنا ناجح وانك بتحبيني وانا همثل اني سعيد معاكي ..
-مش شايف انك اوفر شوية هتخسر كتير عشان تخلي مراتك الاولي تغير عليك …
-بس أنا مش عايزها تغير
قالها وعينيه بتلمع بح*قد …بصتله بدهشة وقولت:
-اومال ايه ؟!!
ابتسم وقال:
-انتي متعرفيش سمر …واحدة نرجسية مغرورة لما تعرف اني اتجوزت عليها هتت*كسر ..
-انت ازاي عايز تك*سر مراتك
ابتسم بحزن وقال:
-متقلقيش قريب هتفهمي …المهم دلوقتي ده اتفاقنا …هنعيش هنا مع بعض وهي هتيجي من السفر بعد اسبوع
عايزاكي تمثلي أننا اسعد اتنين في العالم ….
بصتله بصدمة …ده اكيد مجنون …فيه حد يلف اللفة دي عشان يك*سر مراته …يا تري ايه السبب ..طب وانا مال اهلي اصلا المهم ان دي فرصة ليا عشان انت*قم من ربيع واستقل بحياتي بعيد عن الكل …
اتنهدت وبصتله وقولت :
-موافقة بس متفتكرش اني هسمحلك تتمادي معايا …لو قررت تتمادي هقت*لك فاهم ..
ابتسم بإعجاب وقال:
-متمردة …
كملت كلامي كأنه مقالش حاجة :
-وكمان وعدك تنفذه والا هقلب الترابيزة عليك …
-تمام ….
قالها وهو مبتسم
قعدت علي السرير وقولت:
-ودلوقتي اطلع برة عايزة انام
-ميصحش يا بيبي متنسيش أننا عرسان قدام الخدامين علي الاقل …أنا هنام علي الكنبة بس تعالي ساعديني اقوم …
نفخت وانا متضايقة وساعدته لحد ما نام علي الكنبة …ابتسم. قال :
-تصبحي علي خير يا شمسي
بصتله بغيظ وزعقت :
-اسمي شمس قولت متتجاوزش حدودك معايا !
ضحك بعدين غمض عينيه …
…..
مر الايام وعدي كان بيتعامل معايا بلطف بالغ …الإنسان الفظ اللي شوفته يومها اختفي تماما بس برضه منستش أنه واخدني وسيلة زي ما انا وخداه عشان كده حاولت اي مشاعر مهما كانت تتطور من ناحيته ….
في يوم جات مرات عدي سمر …دخلت وهي بتصرخ بغضب …كنت مع عدي في الصالون لما هي جات …
-اتجوزت عليا يا عدي
صرخت بإنه*يار وعينيها مليانة دموع …
اتوترت بس عدي بصلها ببرود وقال:
-اه اتجوزت مش تباركيلي
-انت مجنون ..صح ..ليه ليه عملت كده ..أنا اذ*يتك في ايه …
ابتسم بوح*شية … ابتسامته خو*فتني أنا شخصيا …كنت مر*عوبة منه …وصدمني لما قال :
-انا عرفت عن علاقتك بوائل صاحبي يا سمر!!! -ايه ..
قالتها سمر بتوتر …ابتسم عدي بقسو*ة بس كنت شايفة في عيونه حـzن كبير …كنت حاسة بحزنه وقه*ره بس هو محبش يبين ليها …
-ايه يا سمر هتنكري …
-عدي أنا
-بس اسكتي متتكلميش أنا قادر اقت*لك دلوقتي بس انتي متستاهليش الرصاصة اللي هتطلع من مسدسي عشان كده انا هح*رق قلبك بنفس الطريقة اللي قلبي اتحر*ق بيها …حسيتها اتر*عبت …مسك أيدي وقال :
-دي هتكون مراتي وانتي هنا هتخدمينا زي الك*لبة
-ده بعدك يا عدي أنا هتطلق واخد حقوقي …
ابتسم …ابتسامته كانت مخ*يفة اوووي خوفتني شخصيا وقال :
-هتطلقي لما انا أقول بس يا سمر …هتطلقي في اليوم اللي أقرر احررك فيه لكن انتي لازم تتعاق*بي …مش هق*تلك يا سمر مرة واحدة بس …أنا هق*تلك كل يوم ….هتطلبي الم*وت ومش هتلقيه …
بصتله بصدمة وقالت:
-مش هتقدر تمنعني اني امشي واخد حقوقي منك كمان …
ابتسم وقال:
-اتفضلي وانا هثبت خي*انتك وابوظ حياتك وساعتها برضه هتتمني الم*وت …
بلعت ريقي بخوف …هو بيقت*لها بالحيا …وده عقا*ب اصعب من الم*وت ….دموع سمر نزلت وبذ*ل راحت علي اوضتها
قررت تتعا*قب علي عملتها لحد ما عدي يسيبها في حالها …
-دي قس*وة منك
قولتها بلوم وصدمة …انتقا*مه صعب اووي …بصلي بحزن وقال:
– هي قت*لتني وانا حي
وبعدين سابني وزق الكرسي المتحرك …
مرت الايام وبدأنا نمثل علي سمر …عدي ذ*لها حرفيا …كانت كل يوم تترجاه يطلقها ويمشي …اترجتني أكلمه …حاولت أكلمه فعلا بس رفض …عدي كان راجل مجر”وح مستعد يعمل اي حاجة عشان ينت*قم …. علي قد ما حاولت اني ابعد
نفسي عن المواضيع دي بس لقيت نفسي في النص بحاول اصلح الخر*اب اللي عملته سمر في عدي …أنا من غير ما احس بدأت اتعلق بيه …وده كان مش حاجة كويسة …مش قادرة انسي اني اتجبرت عليه ولا قادرة انسي اني جوازنا اتفاق …كملت المسرحية معاه بس لما نكون لوحدينا كنت بعيدة عنه بطلت اناقشه أو اجادله أو اتخ*انق معاه حتي وهو
لاحظ ده وحاول سـhر معايا كلام اكتر من مرة بس انا مرضتش اديله وش …
وفي يوم ….
كنت لسه هنام لما جه قصادي وقال :
-ممكن اعرف فيكي ايه
بصتله ببرود وقولت :
-مالي ؟!!مش التمثيلية بتاعتنا ماشية تمام؟!!
-مش قصدي علي كده …قصدي عليكي حسيتك بعدتي عني
-وانا من أمتي كنت قريبة جوازنا صفقة ولا ناسي
حسيته اتوتر وعيونه لمعت وقال:
-بس أنا وحشني كلامك …خنا*قك وتدخلك في اللي ملكيش فيه …بكون مبسوط بكلامك لكن السكوت ده مضايقني
غمضت عيني وانا بحاول اسيطر علي نفسي بعدين فتحتها وبصتله ببرود …عينيه كانت بتبصلي بنظرة غريبة اول مرة اشوفها …نظرة حنية وحاجة تاني انا رافضة اتقبلها …وقولت:
-مقدرش ارجع معاك زي الاول هخلص شغلي معاك وهمشي
-بس ليه أنا عايزك معايا
-وانا لا
-ليه أنا عملت ايه
صرخت في وشه وانا ببكي وقولت :
-لاني بحبك -ايه؟!!
قالها عدي بصدمة …حطيت ايدي علي بوقي …ياربي انا ايه اللي هببته وازاي اقول كده …كنت متوترة اكيد دلوقتي هيتريق
عليا ويستهزأ بيا …. فجأة ابتسم جامد ولمعت عينيه حسيته فرح …بصتله بصدمة فقال:
-مش مش حاجة تزعلك بالعكس أنا كمان بح…
-متنطقهاش انت مش بتحبني ده وهم …انت موهوم وحتي لو أنا مش عايزة ابقي معاك حتي لو بحبك …
بصلي بصدمة وقال:
-ليه أنا عملت ايه بس ؟!!
-انت اتجوزتني عشان تن*تقم من مراتك …يعني جوازنا مجرد لعبة هتنتهي لما تحس انك شفيت غليلك من مراتك …
-لا مش هتنتهي. ..بعد ما اخلص مشاكلي مع سمر واطلقها هنبقي مع بعض …
رفعت راسي وقولت :
-وانا مش موافقة …
-ليه
-انا حرة …
لسه همشي من قدامه فقال:
-لاني عاجز صح …
بصتله بغضب وقولت:
-ده اللي فهمته!!
-يا ستي أنا مبفهمش …فهميني رفضاني ليه ؟!!!
-بلاش
-لا قولي أنا مصمم انك تقولي
-لاني خايفة منك …
صرخت في وشه …بهت عدي فكملت :
-لانك متمسك بإنتقامك منها …لانك عايش في الماضي لا قادر تسامح ولا قادر تطردها برة حياتك …لانك لسه بتحبها
…ولأن انتقامك دلوقتي هو أهم حاجة دلوقتي …وانا مقدرش اعيش الحياة دي فأنا بطلب منك تحررني أهون ارجع واعيش مع ربيع ولا اتع*ذب هنا …
دموعي نزلت فسكت هو …مشيت من قدامه ونومت وانا ببكي …
….
مرت الايام بيننا بتوتر …عدي كان باين عليه الحزن وانا كمان …لومت نفسي كتير اني اعترفت بالحب ليه وبصراحة مكنتش مصدقة أنه بيحبني ابدا بدليل أنه لسه مكمل انتقا*مه من سمر ….في يوم صحيت من النوم حسيت كأن حاجة
متغيرة في البيت واكتشفت أن سمر مشيت للابد …
-عدي الحق سمر …
-مشيت !
رد عليا بهدوء …بصتله بحيرة فابتسم وقال:
-انا طلبت منها تمشي …طلقتها بهدوء
قلبي وقع في رجليا….كده خلاص أنا مهمتي انتهت معاه مفروض نتطلق …فركت أيدي بتوتر وقولت:
-انتقا*مك كده خلص صح …
بصلي بغموض …عينيا دمعت وقولت:
-مفروض دلوقتي خلاص نتطلق
-انتقا*مي مخلصش يا شمس ..اللي عملته مش هيتغفر بالسهولة دي بس عشان خاطرك أنا سيبتها تمشي. ..
بصتله بصدمة فقال:
-انا اتخليت عن انتقا*مي عشان خاطرك انتي ….اتخليت عن أهم حاجة كنت عايزها لانك كنتي الاهم يا شمس ….اتخليت
عنه لاني بحبك …
قلبي نبض بقوة ….حسيت وكأني طايرة علي سحابة وردية ..زق الكرسي بتاعة وقرب مني ومسك أيدي وقال:
-شمس …أنا بقدملك قلبي وروحي …بطلب منك انك تكوني معايا للابد تحسسيني أن واحد زي يستحق واحدة نقية
زيك ….عايزك تحبيني زي ما بحبك ….
حاجة زي كده كان مفروض اطير من الفرحة بسببها بس وساوسي مسابتنيش في حالي …شديت أيدي وقولت وقلبي بيتقطع:
-وانا مش موافقة وبطلب منك تطلقني!!!!
-انتي اتجننتي صح ؟!!
قالهالي عدي بصدمة. …هزيت راسي وانا بقول :
-لا بس انا حرة حابة انفصل عنك …
-ليه …حابب اعرف ليه أنا بحبك وانتي بتحبيني …أنا اتخليت عن انتقا*مي عشان خاطرك ..
-كداب
-اقسم بالله عشانك …عشان تبقي معايا قررت أتنازل عن حقي واغفر
-يا سلام كر*هتها بالسهولة دي
صرخت بغيرة هز رأسه وقال:
-انا مكر*هتهاش هي بس مبقتش تعنيلي حاجة …انتقا*مي منها كان عشان ارد حقي بس وانا اتنازلت عن ده لاني حبيتك
-نعم حبتني …حبتني امتي بالضبط ….
ابتسم وقال :
-معرفش امتي بس فجأة لقيت أن يومي مبيكملش الا بيكي …فجأة نسيت الك*ره والانتق*ام وبقيت بفكر في شكل حياتنا سوا …شمس اديني فرصة …أنا هعوضك عن اللي شوفتيه وانتي هتعوضيني عن اللي شوفته احنا الاتنين اتعذ*بنا بس طلعنا اقوي…وهنبقي اقوي سوا …اديني فرصة وبطلي خوف …
قلبي ابتدأ ينبض جامد حسيت اني فعلا طايرة…كلامه والحب اللي في عينيه كان صادق بس انا كنت خايفة…خايفة اتجر*ح مرة تانية عشان كده بصتله وقولت :
-انا عايزة أطلق ….
…….
بعد شهر كنت قاعدة في بيتي وانا حزينة عدي طلقني وادالي حقوقي اللي وعدني بيها …كمان ادي درس لربيع واخد منه الفلوس اللي ادهالوا وادهوملي أنا وهد*ده أنه ميقربش مني وفعلا من وقتها ربيع مقربش مني ولا كلمني …وعدي كمان بسبب طلبي منه بعد تماما ومحاولش تاني …هو ليه محاولش تاني معايا هو انا مش قد المقام …هو اكيد محبنيش
..قلبي كان بيتمرد ويقول كده بس عقلي هزقني وفكرني أن في راجل طيب ووسيم بيعشقني وعرض عليا حبه وانا طفشته …فعلا انا اخري اتجوز عادل الاهبل وكتير عليا …اتنهدت وقولت بصوت واطي :
-وحشني اووي
-ولما هو وحشك يا خايبة طلبتي الطلاق ليه يا عبيطة
قالتها امي وهي قاعدة جمبي …بصتلها بحزن وقولت :
-خوفت
-من ايه …الراجل بيحبك وشاريكي ده نفخ ربيع عشان خاطرك وكل يوم يتصل يسأل عليكي بس بقاله اسبوع …
بصيت لامي بلهفة ومسكت ايديها وقولت:
-بجد يا امي ..
بيسأل عليا …بيقول ايه …انطقي ابوس ايديكي ….
-عدي بيطمن بس عن احوالك …
فرحت وابتسمت …هو لسه بيحبني …لسه مهتم …أنا ليه خوفت منه …معقول اكون بالهبل ده …أنا عمر ما حد حبني
بالشكل ده …قومت جري وسط ذهول امي ولبست هدومي وخرجت …كنت هوقف تاكسي لما لقيت عادل قدامي
-شمس
قالها عادل وهو مبتسم …بصيت له بضيق وقولت:
-عايز ايه من زفتة
-شمس أنا ندمت وعايز نرجع
-عندك امك يا حيلتها …عارف امك تروحلها ولا اشبشبلك !!!!
نظرتي خو*فته وبهدوء مشي ….ركبت التاكسي وطلبت يوديني بيت عدي ….
بعد عشر دقايق نزلت من التاكسي وجريت علي الفيلا لقيت البيت فاضي ….
قابلتني حسناء الخدامة وقالتلي أن عدي سافر من اسبوع فرنسا عشان يتعالج …دماغي لفت وحسيت اني هعيط …لا لا
أنا لازم اكون معاه في الوقت ده …هعمل المستحيل عشان ابقي معاه …في الخطوة دي بالذات لازم ادعمه واوريله اني بحبه …قدرت اخد عنوان مكانه في باريس ولحسن الحظ عندي باسبور وحجزت اقرب طيارة واخدت معايا ربيع اللي بسبب خوفه من عدي بقا يسمع كلامي ….
…….
وصلنا باريس وروحت بسرعة علي شقة عدي هناك ..رنيت الجرس جامد فتحلي واحد اشقر يشبه الممرضين …اتكلم باللغة الفرنسية وبما اني مبفهمش فيها حاجة مردتش عليه ودخلت علطول وسط صراخه ….قلبي وقف للحظات وانا
بشوف قدامي عدي قاعد علي كرسيه وبيقرا كتاب …بصلي واتصدم
-شمس انتي …
بكيت وضحكت في نفس الوقت وجريت عليه وحضنته وانا بقول :
-اسفة …اسفة أنا غبية …
بعدني عنه شوية فقولت وانا بلمس شعره .:
:-انا بحبك …محبتش غيرك
ضحك …ضحكته كانت حلوة اووي مسك ايدي وقال:
-لو حابة ننزل مصر ومنكملش…
-لا لا …احنا لسه في شهور العدة ردني ليك وانا هبقي معاك هنا …هكون معاك في كل خطوة عشان تتعالج …
-وافرض منجحتش يا شمس
-هنحاول تاني يا قلب شمس ..
حضني وقال:
-انا بحبك ♥️
-وانا كمان يا عمري،♥️
……
بعد ست شهور من العلاج كنت ببكي وانا بشوف عدي بيمشي بس ببطء …الدكتور قال إن العملية نجحت وهيستمر
شوية علي العلاج الفيزيائي …كنت سعيدة مسبتهوش لحظة ….
وبعد سنتين
جبنا كريم اول طفل لينا ….عدي اتعالج تماما وعشت معاه اجمل ايام حياتي وخلاص المتمردة لقت فارس أحلامها ….
قفلت مذكراتي وانا ببتسم بحب …
جه عدي من ورايا وقال:
-نومت كريم اخيرا
-انت اشطر بابي علي فكرة
ضحك وحضني وقال :
-وانا اشطر زوجة ومامي علي فكرة وانا بحبك علي فكرة وعلي قد ما ربيع انسان مستفز بس هشكره دايما عشان عرفني عليكي يا شمس♥️
تمت