هتفضلي على ذمتي لحد ما ربنا يأذن و ياخد الأمانة
غزال مسحت دموعها :
-قبل أي حاجة لازم تفهمني كل اللي حصل و الأرض اللي انتم قلتوا أنها ورثي من امي دي بتاع مين
و تحكي لي كل اللي مخبينه عني…
شهاب :
-صدقيني مش مهم…. مش مهم يا غزال
المهم بالنسبة ليا أنك تكوني واثقة ان دا بيتك و ان عيلتك بتحبك بجد… و أن الأرض دي بأسمك و أنك فرد من أفراد العيلة و وجودك هنا مش تطفل على حد
لا دا حقك….
غزال سكتت للحظات و اتكلمت بدهشة و صـdـمة و هي حاسة ان كلهم كانوا بيكدبوا عليها
-هي الأرض دي بتاعتك!
ثواني و أنت كمان كنت عارف الكتب اللي بحبها… و أنا سألت قاسم ازاي عرفت
لكن هو كان متوتر
ثواني بس
أنت اللي كنت بتشتري الكتب و تديها لقاسم علشان يديها لي
طب و الفلوس اللي كان كل شهر بيديها لي كنت أنت برضو!
شهاب قام و هو متضايق :
-غزال….. ممكن متفكريش في الموضوع دا تاني و أنسي حكاية الطلاق دي
غزال قامت بسرعة و هي حاسة انه بيتهرب من سؤالها، وقفت ادامه و اتكلمت و باين عليها الارهاق و عدم الاتزان
-أنت مخبي عليا حاجات كتير يا شهاب
مخبي عليا حاجات كتير و جاي تلومني ان علاقتنا بتتهدا