-غزال…. غزالة…
غزال فتحت عنيها بنوم بدأت تفوق بصتله بحزن و اتعدلت
-ايوة في حاجة؟
شهاب :لا ابدا بس كنت هسالك التورته دي بتاع ايه…
غزال بحزن
:و لا حاجة أنا بس طلبتها من برا و لما جيت مكنش ليا نفس اخد منها لكن شكلي نمت و نسيتها… هقوم اغير و انزلها
شهاب؛ لا خليكي بلاش انزلي دلوقتي
قام اخد هدوم و راح ناحية الحمام
غزال لنفسها:
-كان نفسي اقضي عيد ميلادي بشكل مميز و لو مرة واحدة بس في حياتي… مرة واحدة!
بس هو حتى مفتكرش
متزعليش هو يعني مشغول و بعدين ما أنتي طول عمرك بتقضي اليوم دا مع هند فعادي بقا
غمضت عنيها و شدت الغطا عليها
بعد دقايق
شهاب خرج من الحمام لقاها نايمة قعدت على السرير و حط موبايله على الشاحن لانه كان فاصل
لحظات و جاله اشعارات كتير عن رسائل واتساب من هند و تلات مكالمات فائتة منها.
استغرب و فتح الرسايل….
“شهاب ممكن متتاخرش النهاردة لو سمحت”
“غزال النهاردة عيد ميلادها و انا للاسف في السنتر طول اليوم بلاش تخليها تقضي اليوم لوحدها”