يزن: سليم لازم تهدا مينفعش تروح وتقوله انت خطفت مراتي كده.
سليم كمل طريقه وصل قدام فيلا شهاب ونزل. واحد من الحراس اتصل بشهاب وبلغه. سليم دخل لاقي شهاب قاعد ببرود بيشرب سيجاره. رحله ومسكه من تلابيب قميصه.
سليم بغضب جحيمي: وديت مراتي فين ي شهاب.
شهاب ببرود: هو انت اتجوزت الف مبروك مراتك مين بقا.
سليم ضربه بوكس و نزل فيه ضرب ويزن حاول يسلك شهاب منه ومعرفش.
سليم بغضب: والله لو مقولت مراتي فين لقتلك.
شهاب: قولتلك معرفش وعلي فكره انا ممكن اقدم فيك بلاغ انك اتهجمت عليا في بيتي.
سليم بغضب جحيمي: اعلي مافي خيلك اركبه والله لو عرفت انك انت ما هرحمك ي، شهاب. سليم
سابه وطلع من الفيلا هو و يزن.
يزن: سليم انت لازم تهدا وتفكر طول مانت متعصب كده مش هنلاقي، حل.
سليم بمراره: اهدي ازاي و مراتي مخطوفه معرفش عنها حاجه. انا هراقب شهاب اكيد هو اللي عاملها.