قمر بوعي حضنته بقوه :انا خايفه متسبنيش ارجوك يا باسل ارجوك دول دول كانوا…. حاولت اكلمك لكن انت مردتش كنت لوحدي
باسل بدموع نزلت من احساسه بالقهر:انا اللي اسف والله العظيم اسف… انا السبب مكنش ينفع اسيبك
ثم تابع بغل :قمر هم مين؟ مين اللي عمل كدا؟
قمر ببكاء:معرفش والله ما اعرف
باسل بغضب مكتوم:هدفعهم التمن غالي اوي صدقيني
قمر بانهيار :انا مش عايزه حاجه انا عايزك تفضل معايا
باسل بحب:هههههششش انا معاكي وهفضل جانبك نامي يا قمر… متخافيش انا جانبك
بعد ساعتين
في جراج المستشفي
باسل ماسك الحارس من ياقه قميصه وضر”به بقوه
باسل بغضب حارق: كلمتك قلتلك تكون في الفيلا وقلت ان قدامك عشر دقايق وتوصل كنت فين؟ مراتي بسببكم
موجوده هنا دلوقتي
بقى يضر”به بكل قوته
لكن مروان دخل بسرعه وبعد باسل عن الحارس
مروان:اهدي يا باسل اهدي
باسل :حسابكم بعدين اعرف الأول مين ولاد ال… اللي عملوا في مراتي كدا
ثم تابع بجديه وغرور :
عرفت مين العيال دي؟
مروان بحذر:ايوه بس
باسل:اتكلم يا مروان متعصبنيش
مروان :أبن نائب في المجلس اللي في الشاليه اللي جانبك هو وشله صحاب
لكن الولاد دول عملوا حادثه وهما بيهربوا بعد ما خافوا سابوا قمر غر”قانه في د”مها وهربوا
باسل:ربك جبلها حقها قبل حتى ما نفكر