عدنان / اى كل الد*م هاد انت كيف قدرت تقبض عليه
قطع صوتهم الغول وهو بيقول
الغول بشر/ بكره تندم يابن المنشاوى ومتخفش انا مش هطول فى السجن بس ده ميمنعش ان ليل رجالتى بره يعنى خاف اووى
فارس بغضب / ده لو طلعت منها
فارس سابهم واخد عربيته وهو فى قمه سعادته انه اخد حق سليم اخوه وقدر يقبض على الغول
بعد وقت قصير وصل القصر كان كله مضلم فعرف انهم كلهم ناموا طلع على الجناح بتاعه لقى حياه نايمه على سجاده الصلاه شالها نيمها على السرير ودخل اخد شاور وطلع نام جمبها على السرير واخدها فى حضنه بحب وهو بيتنهد ويقول
فارس / لو تعرفى انك احلى حاجه في حياتى كلها
حياه بهلوسه / ف. فارس مت.متسبنيش
فارس ابتسم بحب ونام
تانى يوم الصبح صحيت حياه لقت فارس جمبها ابتسمت بحب
حياه / صباح الخير
فارس / صباح الورد
حياه بتوتر / انت كويس
فارس هز رأسه بحب
حياه / طيب يلا عشان ننزل نفطر
بعد وقت نزلت حياه وفارس كان الكل قاعد
فارس / صباح الخير
الكل / صباح النور
فارس لهدى بشك / حمدلله على سلامتك يا هدى