كريلس قالي ان فيه منظمة ظهرت في امريكا من حوالي عشر سنين كل أعضاءها بيعبدوا الشيطان وبيقدموا ليه قرابين بشرية والأمر بيوصل انهم بينتحروا والشيطان بيسكن أجسادهم علشان يمنحهم الخلود، وبيعيشوا وسط الناس علشان يحققوا اهداف لوسيفر، إلههم اللي بيعبدوه..
وحكاية الجماجم اللي حماتي بتستخدمها دي فدا طقس كان بيحصل برضو في امريكا مع أعضاء الجمعية دي ضمن
طقوس استدعاء أرواح الموتى وتسخيرها..
قولتله بس كل دا في امريكا مش في مصر..
قالي مش بعيد يكون فيه ناس بتمارس النشاط دا في مصر وتكون حماتي واحدة من الناس دي..
اتفقت مع كريلس اني هروح البيت وهو يحصلني بعد شوية كإنه جاي يزورني وهحاول اشوف طريقة تانية تخلي حماتي تخرج من اوضتها بحيث انه يقدر يشوف كل حاجة بعينه..
روحت البيت.. مراتي كانت مستنياني على الغدا كالعادة، والغريبة ان حماتي كمان كانت قاعدة معاها على غير العادة ومستنياني برا اوضتها.. لما دخلت البيت حماتي طلبت من مراتي تسيبنا شوية لوحدنا، طبعا هي منفذتش الطلب دا بسهولة لأنها مكانتش فاهماه، بس في النهاية دخلت جوا وسابتني مع مامتها، وبدأت حماتي تتكلم..** يتبع الباقى شيق جداااا
تابع القراءة كامله بالضغط على الجزء التالي 👇