ـــــــــــــــــــــــــــــــــــــــــــــــــــــــــــــــ
فتح باب البيت بالمفتاح اللي معاه وفرد ايده في الهوا وهو بيزعق بهزار – بت يا مريم، أنتِ أبت.
خبطه ثروت في كتفه – عيب يا حبيبي كدا..! عيب احترم مراتك.
بص حواليه بإستغراب – هما فين أصلاً؟!
باب أوضته اتفتح وخرجت منه إبتسام ووراها مريم اللي بصت لمعاذ بإستغراب، قرب منها بسعادة وقال وهو بيمسك كفوفها متجاهل وجود ثروت وإبتسام – عندي حتة خبر ليكِ.
بصتله بإحراج وثروت اتكلم – تعالي يا إبتسام أما احكيلك اللي حصل النهاردة.
مشت معاه – إبتسام! دانتَ راضي جِدًّا عني بقى!!
دخل معاذ الأوضة وهي وراه لسة ماسك كف ايدها، قعد على وهي قصاده بإنتظار كلامه المهم، بدأ يسرد عليها اللي حصل بداية من جَمعُه لجيرانهم لحد الحوار اللي دار السجن مرورا بالحوار اللي دار في بيت عمها.
تابع القراءة كامله بالضغط على الجزء التالي ?