رواية بائعة المتعه الفصل العاشر بقلم حنان حسن
بائعة المتعة
الجزء العاشر
للكاتبة..حنان حسن
بعدما تم القبض عليا
و اخدوني رجال الامن معاهم
اتفاجئت بعدها
انهم بياخدوني لاحد المنازل
وبعد ما دخلوني للمنزل
فهمت منهم انهم كانوا بينفذوا اوامر المراة
الي بيشتغلوا عندها
وفهمت ساعتها طبعا ان العقربة
هي الي جابتني هنا
و ده انا فهمتة لوحدي
لان الرجلين
تركوني في غرفة بالمنزل ومشيوا
بدون ما يتكلموا معايا
وفي اللحظة دي
سمعت صوت طفل صغير
والغريبة ان صوت الطفل كان مألوف بالنسبالي
فا قمت من مكاني
و روحت بسرعة علي باب الاوضة الي كان موارب
عشان اتأكد من صوت الطفل الي سمعتة هنا ده
وفعلا بصيت من خلال الباب
وشوفت الطفل
واتفاجئت في اللحظة دي
الطفل يبقي (اخويا)
فا فتحت الباب بسرعة
عشان اروح اجيب اخويا
لكن قبل ما اتنقل من مكاني
ظهرت امامي مفاجئة تانية
والمفاجئة التانية
هي…اني شوفت( امي) ادامي….
فاتأگدت في اللحظة دي
اني مكنتش بحلم
لما شوفت امي في المستشفي
وبسرعة قربت علي امي ولمستها
وبمجرد ما اتاكدت ان امي حقيقة ادامي
لقيت نفسي بترمي في حضنها
و دموعي نازلة
فا ضمتني امي لصدرها وحضنتني بقلبها قبل ذراعيها
وقالتلي..وحشتيني يا قلب ماما
فا بكيت وانا بتحقق من ملامحها
وقلت لها…
معقولة يا ماما انتي لسة عايشة فعلا
يعني انتي هنا معانا بجد؟
وروحت حضنت اخويا الصغير
وبعدها
رجعت تاني لحضن امي
وسالتها
وقلت…
امال كنتي مختفية عننا فين كل ده؟
ولية تركتينا لوحدنا انا واخويا؟
فاردت امي والدموع مالية عنيها
وقالتلي…
بعدي عنكم كان غصب عني
يا ضنايا
فسالتها بعتاب
وقلت
هو انتي مكنتيش تعرفي ان العقربة دخلتني التربة انا واخويا
الي كان لسة مولود؟
و دفنتنا واحنا احياء؟
فا ردت امي باسف
وقالتلي..
ايوه كنت عارفة كل الي بيحصلكم
قلت…معقولة؟
يعني انتي كنتي عارفة كل الي بيحصلنا ده …
وتركتينا ليها؟
طب ازاي قلبك طاوعك يا امي؟
فا زادت امي في بكائها
وقالتلي
متظلمتيش يا هناء واقعدي واسمعيني
وعشان تفهمي الي حصل
فا قعدت وانا ببصلها بذهول
وكنت منتظرة اسمع دفاعها عن نفسها
وبدات امي تروي قصتها
وتفهمني
سبب غيابها عننا
وقالت…
حكايتي بدات يوم ما كنت بولد
يومها فوقت من الولادة
ولقيتني مرمية في مكان شبية بالمخزن
ولما بصيت حواليا ملقتش المولولد.. ولا لقيتك انتي كمان
واتفاجئت بالعقربة ادامي ومعاها اتنين رجالة
يومها العقربة قالتلي انها دفنتكم احياء
فا فضلت الطم واصرخ
وكنت هموت عشانكم
لكن العقربة مكتفتش بحسرتي عليكم فقط
…لا
دي قررت تعذبني وتموتني بالبطيئ
وقعدت تتفنن هي والي معاها في تعذيبي ليل نهار
وانا فضلت في المرار ده
لغاية ما صعبت علي الخادم بتاعها
وفي ليلة …
سالني الخادم عن السبب الي بيخليها تعمل فيا كده؟
فا صارحتة بالسبب الحقيقي
فا وعدني الخادم بانة هيوصل حكايتي المأساوية دي
لشخص طيب وميسور الحال
ومشهور بانة سباق لعمل الخير
وقالي الخادم
ان الشخص الطيب ده
لو عرف حكايتي
اكيد هيقدر يساعدني علي الهرب
وفعلا
بعدها بيوم
قدر الخادم يهربني
من المخزن بمساعدة الشخص الطيب
و جابني الخادم هنا للبيت ده
واول ما وصلت هنا
عرفني الخادم علي صاحب البيت
فا رحب بيا الراجل الطيب
(صاحب البيت)
و منحني فرصة للنجاة
وخلاني اعيش حياة كريمة
ومن يومها
وصاحب البيت ده له افضال كتير عليا
كفاية انه انقذني من ايد العقربة
ووفرلي بيت و حياة كريمة
وفضل متكفل بيا سنين
واخيرا
رجعلي ولادي كمان
بعد ما كنت فقدت الامل اني اشوفهم تاني
في اللحظة دي
وقفت امي عن الكلام
وسألتها
وقلت…
صاحب البيت ده
يبقي( ياسر) شقيق العقربة صح؟
فا هزت امي راسها بالايجاب
وقالت…ايوه هو
فسالتها تاني
وقلت..لكن ازاي ياسر عرف اني بنتك؟
فا ردت امي موضحة
وقالت ..
في خلال السنين الي قضيتها هنا
كان ياسر بيمر عليا باستمرار عشان يطمن عليا
وده كان بيحصل علي مدار سنين
بس ايامها كان ياسر كفيف ومش بيشوف
لكن مؤخرا
ياسر شاف صورتك معايا
ولقيتة بيسالني بتعجب
وبيقولي…مين دي؟
قلتلة ..دي هناء بنتي
فا رد بدهشة
وسالني
وقالي
معقولة ؟ هناء تبقي بنتك؟
ولما سالتة ان كان يعرفك او شافك قبل كده
قالي انك كنتي بتشتغلي عنده في المكتب
في اللحظة دي
استوقفتها
وقلت…لحظة يا امي
انتي بتقولي ياسر شاف صورتي؟
هو ياسر بيشوف اصلا؟
فا ردت امي
وقالت ..ايوه ياسر نظرة رجعلة
بعدما اتعرض لحادثة
ووقع من علي السلالم
لكن فضل متكتم علي موضوع نظرة الي رجع
عشان يفهم الي بيحصل
ويعرف العقربة ناويالك علي اية؟
في اللحظة دي استوقفت امي تاني
وسالتها
وقلت..
يعني انتي جيتي للمستشفي فعلا
وحقنتيني بالمصل؟
وانا مكنتش بحلم؟
فا ردت امي
وقالت…ايوه
اصل ياسر سمع العقربة وهي بتعترفلك بانها حقنتك بالفيرس
فا قرر انه ياخذ المصل منها بدون ما هي تعرف
عشان يحقنك بيه
ويشفيكي
وفعلا اخد المصل من شنطتها
وطلب مني انا
اني احقنك بالمصل
علي ما هو يشغلهم عنك
لان مكنش ادامة حد يستأمنة علي المهمة دي غيري
وفعلا حقنتك
وبعدما ياسر انقذ حياتك
العقربة ماتت بالفيرس
فسالت امي بفضول
وقلت..هي العقربة ماتت فعلا؟
فا ردت امي
وقالت…ايوه
العقربة ماتت بالفايرس
الي هي جابتة بايديها
عشان تقتلك بيه
قلت…معني كده ان البوليس بيبحث عني دلوقتي؟
لان العقربة كانت بتتهمني بمحاولة قتلها؟
فا ردت امي
وقالت…لا اطمني
العقربة ملحقتش تبلغ عنك في بلاغ رسمي
لانها ماتت قبل ما البوليس يحقق معاها
وكل الي قالتة العقربة لمدير المستشفي
هو..ان شخص ما حقنها بفيرس مميت
وطلبت من مدير المستشفي انه يبلغ البوليس
وكان مفروض انها هتتهمك انتي بمحاولة قتلها بالفيرس
ادام البوليس
واخواتها كانوا عارفين نيتها دي كويس
لكن…
اخواتها جلال وعادل انتهزوا فرصة انها ماتت
بعد ما بلغت مدير المستشفي
ان في شخص حقنها بالفيرس
وبمجرد ما العقربة ماتت
اتهموا (ياسر) اخوهم بانة هو الي حقنها بالفيرس
وحاول قتلها
فسالت امي بدهشة
وقلت…
ولية جلال وعادل اتهموا ياسر الاتهام ده؟
فا ردت امي
وقالت..عملوا كده بسبب
الطمع في الميراث
لان العقربة كانت بتعز ياسر جدا
لدرجة انها كتبتلة جميع املاكها
لانها معندهاش اولاد
فا اتغاظوا اخواتة من تصرفها ده
وخصوصا ان ثروة العقربة كبيرة اوي
فا فكروا انهم يخلصوا من ياسر والعقربة مع بعض
وبما ان القانون بينص
علي ان ( لا ميراث لقاتل)
فا ياسر مش هيورث في حالة لو اخد مؤبد
والي هيورثوا العقربة هما اخواتها
جلال …وعادل
لان العقربة مش بتخلف
واما بقي لو ياسر اخد اعدام
فا ساعتها جلال وعادل
هيورثوا
العقربة…وياسر
وعشان كده اتحمسوا للفكرة
و راح جلال وعادل لمدير المستشفي
واتهموا ياسر اخوهم بانه هو الي حقن اختة بالمصل المميت
وطبعا المدير صدق علي كلامهم
لان العقربة كانت بلغت مدير المستشفي بكدة
قبل ما تمـoت
وفي لحظة اصبح ياسر متهم بقتل اختة
وبالرغم من الورطة الي ياسر كان فيها
وحياتة الي كانت معرضة للخطر
الا ان ياسر كان قلقان عليكي يا هناء
لانه كان عارف ان اخواتة هيفكرو
بانهم يتخلصوا منك
عشان ميبقاش في شاهد عليهم
في اللحظة دي قلبي وجعني علي ياسر
وفضلت العن الفلوس.. والميراث
الي يخلي الاخوات يقتلوا في بعض
ورجعت بصيت لامي وسالتها
وقلت…
انتي عرفتي ازاي كل الي حصل ده؟
فا تنهدت امي بمرارة
وكملت في سردها
وقالتلي…
ياسر اتصل بيا يا قلبي
وقالي علي كل الي حصل
وقالي كمان انه قلقان عليكي
من اخواتة
لانك الشاهدة الوحيدة عليهم
وممكن يحاولوا يتخلصوا منك دلوقتي
عشان كده
اتصل با اتنين من رجالتة…
وطلب منهم انهم يدخلوا المستشفي
الي انتي كنتي فيها
علي انهم اتنين من رجال الامن…
واول ما تنزلي معاهم يهربوكي…
ويجيبوكي علي هنا
والحمد لله ياسر قدر يهربك فعلا
ونجاكي لتاني مرة
ودي اخر حاجة عملها
قبل ما رجال البوليس يقبضوا عليه
في اللحظة دي
دمعت عنيا لما عرفت الي عملة ياسر عشاني
ورجعت سالت امي
وقلت…
بس ياسر كده هيتعدم
ظلم؟
فا ردت امي
وقالت… ايوه فعلا ياسر اتحبس ظلم يا عيني
بس احنا في ايدينا ايه نعملة؟
في اللحظة دي
انتفضت من مكاني
وقلت…استحالة اترك ياسر يتعدم ظلم
انا لازم اشهد معاه
فا ردت امي
وقالتلي…
يا بنتي اعقلي..
وفكري في عواقب الي انتي عايزة تعملية
العقربة قبل ما تمـoت شهدت بان في شخص حقنها بالفيرس
ولو انتي شهدتي بان ياسر بريئ
اخواتة هيتهموكي انتي بالقتل
وهتتعدمي ظلم انتي كمان
قلت…يعني هنترك ياسر كده؟
فا ردت امي
وقالت..لا هو في حل تاني بس صعب شوية
قلت…حل اية؟
قالت………..؟
ومش هتصدقوا الحل بتاع امي كان اية …..
الكاتبة
حنان حسن
الفصل الحادى عشر من هنا