في المستشفى
حازم كان واقف تحت قدام عربيته وبيتكلم في التليفون بعصبية وبيقول … قدامك خمس دقايق وتعرفلي فيهم هي فين بالظبط .فاهم
الراجل .. تمام . تحت امرك ياحازم باشا
حازم قفل و بص وراه لقي ياسين بيقولو .. انت بتدور علي مين
حازم .. متشغلش دماغك
وسابو وطلع
بعد دقايق حازم كان واقف بيتكلم مع الدكتور اللي بيطمنو على حالة والده
حازم .. تمام يادكتور . وكمل بتحزير ..بس لو حسيت ب اي تقصير منكم صدقني انا هقفلكم المستشفى دي
الدكتور .. ياحازم باشا احنا والله مش مقصرين في حاجة
احنا بنعمل كل اللي نقدر عليه
في الوقت ده وصل ليه رسالة علي التليفون فيها بالظبط العنوان اللي ريم موجودة فيه
حازم بص في التليفون وبعدين قالو ..تمام .عن اذنك
حازم اتجه لتامر اللي واقف مع هنا اللي شكلها بتعيط
حازم .. مالك ياهنا
هنا بدموع .. خايفه علي بابا اوي ياحازم
حازم .. باسها على راسها وقالها .. ماتخافيش ياحبيبتي أن شاءالله هيبقى كويس . الدكتور لسه مطمني
هنا .. بجد ياحازم
حازم .. بجد ياحبيبتي
حازم خد تامر بعيد وقالو .. تامر انا رايح مشوار وهتأخر فيه عايزك تاخد بالك منهم
تامر .. رايح فين
حازم .. بعدين . اهم حاجة تاخد بالك كويس وخصوصاً الاوضة اللي فيها ابويا . ومتخليش الحرس يتنقلو من قدامها لأي سبب . انا مش ضامن ال حاول مرة اكيد هيحاول التانية .انت اكيد فاهم كلامي
تامر بتفهم .. متقلقش
حازم هز راسه ومشي
حازم نزل ركب عربيته وطلع بيها علي
……..
عند ريم خرجت من اوضتها وهي بتقول لمامتها.. هي شاهندة راحت فين
سـhر .. طلعت تشوف عمر ابنها لايكون صحي وهي هنا ومش هتسمعو
ملحوظة
“شاهندة متجوزة وعايشة في نفس البيت مع مامتها في الشقة اللي فوق لأنها متجوزة ابن جوز مامتها ”
ريم .. طيب انا هطلع اقعد معاها شوية وبعدين عمر واحشني اوي
سـhر .. ماشي ياحبيبتي اطلعي
ريم فتحت الباب ولسه هتخرج لاقت حازم في وشها وهو بيقولها .. علي فين
ريم بلعت ريقها بخوف ومكانتش قادرة تنطق من الصدمة
بس مرة واحدة اتفاجأت بقلم علي وشها
الفصل الرابع عشر من هنا
لقراءة باقي الفصول من هنا