مجيده مهما يحصل ما تتكلميش عنها كده حتى لو ماتت انت عارفه عمار حاسس بالذنب ازاي من يمها لانه هي لما جات له تطلب منه المساعده هو قال لها انت بالنسبه لي متي وسابها لامجد عمل فيها اللي عمله ما ينفعش تتكلمي كده ثاني على اختك قدام عمار فاهمه ولا مش فاهمه
حياه.. والله يبقى وقتها بقى الجواز من امجد احلى من السجن ده
مجيده.. وهي تشدها من درعها انت مجنونه ولا ايه انت عايزه تتجوزي اللي ق’تل اختك ده انت لو عاشقه مش هتقولي كده
حياه انا عايزه اخلص من السجن لعمار معيشني فيه ارجوك يا امي سيبيني لوحدي
مجيده انا هسيبك لوحدك دلوقتي لما تهدي وتفكري في الكلام اللي انت بتقوليه واوعي تقولي الكلام ده قدام اخوك ثاني واطلع اشوف المصيبه الثانيه اللي بره دي اخوك متجوز واحده بنقاب اخوك بتاع الكا’س والسيجاره متجوزه واحده بنقاب الموضوع ده فيه لغز ولازم اعرفه واشمعنى البنت دي بالذات اللي اخوك اتجوزتها لازم اعرف
بالنسبه لليالي كانت قاعده لسه على السفره اتفاجئت بايد محطوطه على كتفهم وصوت بيقول
مين دي انتي لابسه اسود كده ليه
التفت تشوف مين لقت شب صرخت وخافت وقامت من على السفره جري ومش عارفه تروح فين على خروج مجيده من اوضه حياه وبتتكلم بصوت عالي وبتقول هو في ايه بتصرخي ليه ليالي وهي بتشاور على الشاب بصوابعها مجيده التفتت تشوف مين لقيته مروان ابنها اخو عمار الصغير
مجيده.. تقومي مصرخه شفت عفريت ده مروان ابني على الاقل خلاص هو واضح وملامحه و واضحه مش زيك ما حدش عارف لك ملامح اخلعي النقاب كده ده لما نشوف وشك
ليالي لا مش هخلعه معلش وخدت نفسها وطلعت على فوق جري
مروان مين البنت دي يا امي شغاله جديده ولا ايه مجيده دي مرات اخوك يا مروان مرات عمار اخوك
مروان.. ايه بتهزري يا امي وهي عاملاه في نفسها كده ليه
مجيده. البنت دي وراها سر ولازم نعرفها مروان وهو يميل على امه لا السر ده تسيبه لي بقى انا اللي هعرفه
طبعا مروان شاب طاي’ش
ليالي لما طلعت فوق وخلعت النقاب وكانت تعبت بقى من كتر اللي حصل ده فرحت على السرير عشان تنام شويه
فعلا اول ما قربت على السرير نامت
..
الشركه بالنسبه لعمار وعثمان في الشركه كان فيه اجتماع كبير مشترك وكان موجود فيه امجد الاسيوطي
بعد الاجتماع
عمار قرب على امجد وقال له ليه نصيب اشوفك يا شيخ والله عشان اعزيك في باباك امجد احنا ما بناخدش عزا يا عمار احنا بناخد تارنا وبناخد روح اللي عمل كده
عمار بضحك عاليه خوفتني قوي انت اللي ابتديت بالد’م يا امجد وبالق”تل يوم ما قت”لت حور اختي وهي ما عملتش حاجه امجد دلوقتي افتكرت انها اختك وكنت بتقول لها ما ليش اخوات وحرمتها من الورث عمار بتعصب وهو يمسك في امجد انا اعمل اللي اعمله دي اختي لكن انت تق”تلها ليه يا حيـwان ولسه روحك انت امجد قبال روح حور
لكن هنا عثمان اتدخل وبدا يهدي الدنيا امجد مش هسيبك صدقني يا عمار لا انت ولا عيلتك كلها واول ما هبدا هبدا بمراتك الشاهده الوحيده على ق’تل بابايا
وامجد مشي وهو متعصب لكن قرب على سكرتيره عمار بوسي واداها ورقه في ايديها من غير ما حد ياخد باله وبوسي خدت الورقه وخبيتها عشان عمار ما يشوفهاش
عثمان وهو بيحاول يهدف عمار هدي الدنيا يا عمار هو بيستفزك انت عارف امجد عامل ازاي احنا لازم ننتبه لنفسنا عشان المناقصه دي حاطين فيها كل فلوسنا عمار قال هيبتدي بمراتي قال
عثمان معلش يا عمار انا كان عندي سؤال انت اتجوزتها ليه
عمار.هقولك السر وما تقولش لحد
اسمع 🙄
…..
في الفيلا بقى كانت ليالي نايمه وحست بايد ماشيه على جسمها فتحت عينيها اتخضت وبدات تصرخ بس للاسف حد كتم نفسها