تقي بصت لخالتها بتوتر وقامت مع خالد
خالد قبل ما يطلع لمح وعد شايله يزيد وبيعيط
خالد: هتيه يا وعد
وعد: خليه يا عمي هو شويه وهيسكت
خالد: مش هيسكت غير معايا هتيه احسن
وعد اداته يزيد وهي بتبص لامه
خالد خُده وطلعوا هو وتقي
فوق
تقي قاعده علي السرير بعد ما غيرت هدومها وخالد شايل ابنه وبيتحرك بيه في الاوضه علشان ينام وكل شويه يرفع عيونه ويبص عليها
خالد بص على ابنه لقيه نام، دخل يوديه اوضته التانيه
خالد طلع لقي تقي بتبصله وماسكه ضحكتها بالعافيه بصلها بستغراب
تقي: نيمتوا
خالد رفع حاجبه: ايوه
تقي: بص وراك كدا… وانفجرت في الضحك
خالد بهدوء: يلا
تقي بصت لخالتها بتوتر وقامت مع خالد
خالد قبل ما يطلع لمح وعد شايله يزيد وبيعيط
خالد: هتيه يا وعد
وعد: خليه يا عمي هو شويه وهيسكت
خالد: مش هيسكت غير معايا هتيه احسن
وعد اداته يزيد وهي بتبص لامه
خالد خُده وطلعوا هو وتقي
فوق
تقي قاعده علي السرير بعد ما غيرت هدومها وخالد شايل ابنه وبيتحرك بيه في الاوضه علشان ينام وكل شويه يرفع عيونه ويبص عليها
خالد بص على ابنه لقيه نام، دخل يوديه اوضته التانيه
خالد طلع لقي تقي بتبصله وماسكه ضحكتها بالعافيه بصلها بستغراب
تقي: نيمتوا
خالد رفع حاجبه: ايوه
تقي: بص وراك كدا… وانفجرت في الضحك
خالد بص لقي ابنه وراه وبيفرق في عنيه، عض على شفته السفليه بغضب خفيف وراح شاله
: تعاله يا ابن الكـ*ـلب هي ليلة ابوك مش معديه النهارده
تقي اتحركت من علي السرير شويه وهي بتشورله
: هتو ينام هنا
خالد: هيضايقك وسرير صغير
تقي: هاته بس
خالد اتنهد وحطة علي السرير
: طاب نامو انتوا مع بعض وانا هنام علي الكنبه
تقي هزت راسها ونامت علي جنبها وهي بتحرك ايدها على كتف يزيد ولحد دلوقتي مش مستوعبها انها نايمه في سريره
….
زياد رجع البيت بتعب وحط الكيس الي في ايده على الطرابيزه ونده عليها
زياد: ريهام.. ريهام
ريهام طلعت من اوضتها وهي بتظبط حجابها
: ايوه
زياد ميل وبدا يفتح الكيس الي قدامه ويطلع منه الحاجه
زياده: اتعشيتي
ريهام: لا
زياد: كويس ام جبل اصرت انها تبعتلك الاكل دا علشان مرضتيش تروحي
ريهام بستغراب: هو مش صحبك الي عامل ختمه على روح امه وابوه واخواته الاتنين اسمه خالد
زياد: ايوه ودي مرات اخوه، تعالي كلي.. رجع راسه لورا بتعب
: اعمليلي كوبايه شاي بس الاول معلش