فوقي ياسلمي للي هتعمليه ده انا مش هسيبك تحبسي أمي كدة هتبني خط عدوان بيني وبينك ومش هفتكرلك حاجة حلوة فوقي كدة واتنازلي احسنلك
ده في احلامك يا عمر انا مش هتنازل عن حقي انتو غيرتوني وخلتوني واحدة تانية انا فوقت خلاص ومش هسمح لحد يتن*مر علي شكلي تاني
انا بشكركم اوي بجد عشان فوقتوني وعرفتوني اخد حقوقي ازاي مش بس منكم من اي حد قالي كلمة تهز ثقتي في نفسي من اي حد قال كلام يوجعني وهو فاكر انه كدة روش وبيهزر انا ياما سمعت كلام في طفولتي من صحابي ومن جيراني ايه ده بصي شعرها مكلكع ازاي اييه ده شوفي هي سودة ازاي لا ابعدي عنها دي شكلها وحش صاحبي ناس نضيفة لالا دي مليانة اوي وشكل اللبس عليها مسخرة ايه ده شوفتي شكلها باهت ازاي اكيد فقيرة ومبتاكلش في بيتهم ايه ده دي محترمة وطيبة تبقي بتخبي حاجة ومش ساهلة
العيب يمكن مش عليكم يمكن علي المجتمع نفسه وفكره الرجعي بس انا بقا فكري مختلف انا بحمد ربنا علي كل حاجة فيا انا متميزة انا جميلة جميلة اوي وانتم اثبتولي ده بجد شكرا اوي
اما بقا عن طنط فا سوري انا مكملة ومش هتنازل
اما عنك فا نت ربنا يرحمك مني الفترة الجاية بجد
-قال بتوتر :هتعملي ايه يعني انتي فاكرة اني هسيبك تحبسي امي تبقي بتحلمي انتي نسيتي نفسك ولا ايه انا طلقتك خلاص امشي بقا اتنازلي وامشي عايزة ايه فلوس هديكي فلوس وحقك ومؤخر وكل حاجة بس تجري وتننازلي يا سلمي