ام هشام من صدمتها ان ولادها الاتنين راحوا منها في غمضه عين مابقيتش قادره تقف علي رجليها
عم حجازي : ( بخضه وخوف ) مالك يا ام هشام في ايه
ام هشام مابقيتش بتنطق ولا بتتكلم كلمه واحده ووقعت في الارض
عم حجازي: استر يارب قومي .. قومي معايا يا ام هشام
(بس للاسف مكانتش قادره تقوم معاه ولا حتي تتحرك من مكانها )
ام محمد جت بالصدفه والباب كان مفتوح
ام محمد : ( بخضه اول ما شافت ام هشام مش قادره تقوم من مكانها) ( في السجن )
عدت الايام واخيرا صاحب هشام راحله السجن عشان يزوروا
هشام : انت 😳😳
عمر صاحب هشام : ايوه انا ياهشام
هشام : انت بتعمل ايه هنا بعد ما شاهدت زور عليا ودخلتني السجن
عمر : اسمعني ياهشام كويس انا مكانش في ايدي حاجه اعملها غير كده فاروق وابوه ايديهم طايله وخصوصا ان نورسين هتشهد ضدك وهددوني بولاد اختي لو مكنتش عملت كده كانوا هيروحوا فيها وانت شوفت اخوك اهوه راح فيها
هشام : يعني ايه
عمر : يعني مكانش قدامي حل غير اني اعمل كده ولو كنت شاهدت ضد فاروق كنت تاني يوم هتلاقيني ميت وانت كده كده مش هتطلع براءه عشان نورسين شهدت ضدك انت لا معاك محامي كويس يدافع عنك ولا اي حاجه وغير كده كمان انا شهدت انك عملت كده دفاع عن النفس ونورسين كمان يعني كلها كام سنه وتخرج منها لكن لو كنت خرجت دلوقتي وانت شحات وفاروق هو اللي دخل السجن كنت برضوا هتموت وانت عارف الناس دي عشان تقف قصادهم لازم تبقي قدهم
هشام : وطبعا اخدت التمن
عمر : طبعا اخدته واخدت تمن حلو اوي يخليك لما تطلع من هنا تبقي مليونير ونقف علي رجلينا ونجيب حقنا من اللي ظلمك لكن احنا دلوقتي غلابه هنداس تحت الرجلين ياصحبي
بقلمي مآآهي آآحمد
هشام : انت حقـiر انا ماشفتش صاحب حقـiر وقذر زيك
عمر : حقـiر ومعايا خمسه مليون جنيه احسن ما اكون حقـiر وشحات حط نفسك مكاني ياهشام انا عملت كده عشاني وعشانك ياصحبي
هشام : انت عملت كده عشان نفسك وبس انت شوفت مصلحتك وبس انت عارف انا اي اللي بيحصل معايا هنا عمر : ولو كنت بره وحتي لو شهادتي هتنقذك المنياوي مكانش هيسيبك ولا هيسيب اهلك ياصحبي فكر كويس انا عملت كده ليه
هشام : اوعي تفكر تيجي هنا تاني انت فاهم
هشام ساب عمر ومشي
عمر ( في نفسه ) : غـbي 😡
————————————-