في مركز الشرطة
دخل حازم مكتبه بجموده وهيبته المعتادة
بينما دخل الشرطي خلفه
حازم .. في قضايا ايه
الشرطي .. في مجموعة من الشباب والفتيات اتمسكو في شقة مشبوهة .. وفي بنت وولد اتمسكو في عربية في ساعة متأخرة بالليل وهما في وضع مش تمام
حازم خرج علبة السجاير من جيبه وولع سيجارة خد منها نفس وبعدين قالو بهدوء .. دخلي المتهمين . هنبتدي التحقيق دلوقتي .. دخل البنت والولد الاول
الشرطي .. تمام يافندم عند ريم نزلت من عند داليا بعد ما طلبت اوبر
وبعد وقت قليل كانت العربية وصلت في المكان
ريم ركبت بعد ما قالت للسواق علي العنوان اللي هتروح في
والسواق طلع بالعربية ريم كانت قاعدة في العربيه ساندة راسها علي الشباك وهي تايهه ومصدومة .
مصدومة في اقرب الناس ليها في صحبة عمرها
اللي مكانتش تتخيل في يوم من الايام انها هي اللي تكون سبب اذيتها
ريم غمضت عينيها بألم وهي بتقول في نفسها..
معقول في حد ممكن يكون في قلبه كمية الحقد والكره دي . في حد ممكن يأذي ويخون حد بالطريقة دي لمجرد انو بيغير منه
في المساء بعد يوم طويل
رجع حازم الشقة بس اتصدم لما ملقاش ريم موجودة
حازم كان بيدور عليها في الشقة بجنون لما افتكر انها هربت منه
حازم بغضب .. اقسم بالله ما هرحمك يا ريم
ونزل بسرعة ركب عربيته وطلع علي شقتها
بعد وقت قليل كان وصل قدام العمارة اللي ساكنة فيها ريم
حازم نزل من العربيه وطلع بسرعة فضل يخبط على الباب بعنف بس ملاقاش رد حازم كان لسه هيكسر الباب بس فجأة تليفونه رن
حازم رد على التليفون بعصبية وهو بيقول .. في ايه ياماما..
شهيره ببكاء .. الحق ياحازم .باباك اتضرب بالرصا.ص وهو خارج من الشركة ونقلوه المستشفى حازم بخضة .. انتي بتقولي . مستشفى ايه .انا جاي حالا
………….
عند ريم بعد ساعات طويلة في الطريق كانت وصلت شرم الشيخ
السواق .. وصلنا .. حمد الله على السلامه يا انسه
ريم .. الله يسلمك
ونزلت وحاسبتو
ريم وقفت قدام بيت مامتها واتنهدت تنهيده كبيرة ورنت الجرس
جوا
كانت سـhر مامتها ودينا اختها الصغيرة كانو قاعدين قدام التلفزيون
سـhر لما سمعت جرس الباب قلقت وقالت .. استر يارب . مين ها يجيلنا في وقت زي ده
وقامت تفتح
سـhر بلهفة بعد ما فتحت الباب … ريم حبيبتي
وحضنتها بشوق وحب
ريم اترمت في حضنها وفضلت تعيط
سـhر بخضة .. مالك ياحبيبتي
بس ريم كانت رافضة تسيب حضن مامتها وماكانتش بتتكلم سـhر بقلق .. مالك ياقلبي بتعيطي ليه
ريم اخيرا خرجت من حضنها واتكلمت بتوتر .. مفيش انتو كنتو واحشني بس
وحضنت دينا بشوق
دينا .. وحشتيني اوي يا ريم
ريم وهي بتمسح دموعها .. انتي اكتر ياحبيبتي
سـhر .. تعالي ياحبيبتي استريحي .اكيد تعبانة من الطريق
انا هدخل اجهزلك اكل . اكيد ما كلتيش من بدري
ريم بتعب .. تعالي ياماما انا مش جعانة .
سـhر قعدت جنبها وسألتها بشك .. مالك يا ريم فيكي ايه ياحبيبتي .اتكلمي
ريم خدت نفس وقالت بثبات .. انا اتجوزت
سـhر .. انتي بتقولي ايه . يعني ايه اتجوزتي
سـhر .. ريم انتي بتهزري .صح
ريم بنفي .. لا انا اتجوزت بجد
سـhر بعصبية .. يعني ايه اتجوزتي . من ورانا لوحدك كدة
ايه مالكيش اهل..
الزااي يعني تعملي كدة .. وبعدين ما انتي وفارس كنتو متفقين إن فرحكم بعد سنة .ايه اللي حصل
ريم بهدوء .. لأ ما انا متجوزتش انا وفارس .. انا وفارس سيبنا بعض سـhر بجنون .. انتي هتجنيني انا مش فاهمه حاجه . يعني ايه سيبتو بعض .. طيب امال اتجوزتي مين
دينا .. اهدي ياماما
سـhر .. اهدي الزاي انتي سامعة اختك بتقول ايه
ووجهت كلامها لريم .. ايه هي العيشة لوحدك خليتك تمشي علي حل شعرك وتنسي إن ليكي اهل
ريم بصدمة .. انتي بتقولي ايه ياماما . انتي مش واثقه فيا
سـhر بعصبية .. امال اللي بتقوليه ده افسره الزااي
ريم برجاء ..ممكن تهدي وانا هفهمك على كل حاجة سـhر بنفاذ صبر .. اتفضلي
ريم بدأت تحكي علي كل اللي حصلها بالتفصيل
من وقت ما اتحبست في قضية من تدبير اميرة صاحبتها ووقعوعها في ايد حازم لحد ما تجوزها
ريم كانت بتحكي وهي منهارة
اما مامتها واختها كانو بيسمعوها وهما في حالة من الذهول والصدمة
في المستشفى بعد ما حازم وصل
كانو كلهم واقفين بخوف وقلق قدام غرفة العمليات
بعد وقت طويل اخيرا الدكتور خرج من غرفة العمليات وهو باين عليه التعب
كلهم جريو عليه .. طمنا يادكتور
شهيره ببكاء .. ارجوك يا دكتور طمنا .هو كويس صح
حازم بعصبية .. ماتنطق يادكتور إحنا علي اعصابنا
الدكتور نزل رأسه بحزن شديد وقال .. احنا عملنا كل اللي نقدر عليه بس الاسف .. الدكتور نزل رأسه بحزن شديد وقال .. احنا عملنا كل اللي نقدر عليه بس الاسف مراد بيه دخل في غيبوبة
حازم .. يعني ايه يادكتور . هو ممكن يفوق امتا
الدكتور .. انا مقدرش احدد حاجة زي دي يعني ممكن يفوق بعد يومين وممكن بعد اسبوع او شهر او سنه مش عارف دي حاجه بأيد ربنا .ادعولو .عن اذنكم
……………..
عند ريم ومامتها
سـhر بعدم تصديق .. انا مش مصدقه الزاي كل ده حصلك واحنا منعرفش . يعني داليا لما كلمتها وقالت انك مسافره
مكنيتش مسافرة . كنتي محبوسة
ريم بدموع ..أيوة
سـhر .. وهي ليه كذبت علينا وقالت انك مسافرة
ريم .. انا اللي قولتها متقولش
سـhر .. ليه
ريم .. كنتو هتعملوا ايه يعني ياماما
سـhر بعصبية .. يعني ايه كنا هنعمل ايه . كنا هنشوف محامي يخرجك منها . كنا هنقف جمبك ونبقي معاكي .بدل الظابط الحيوان ده اللي مشيتي وراه
ريم بدموع .. مكانش في محامي هيعرف يخرجني منها
سـhر .. ليه إنشاءالله
ريم .. عشان القضية كانت لابساني . وعشان حازم ده كان خلاص حاطني في دماغه .يعني هو اللي كان هيحاول يصعب القضية ومكانش هيخلي اي محامي يترافع فيها
هو هددني بكدة
سـhر بسخرية .. يعني مكانش في حل غير انك تسمعي كلامو .
ريم بدموع .. كنتي عايزاني اعمل ايه يعني . منا لو مكنتش سمعت كلامو كنت هفضل محبوسة في السجن
دا غير اني كنت هتفضح وسمعتي كانت هتنتهي
سـhر .. يعني ايه . اكيد كان في حل تاني . هو حازم ده ايه يعني اكيد كان بيهددك بس ماكانش هيقدر يعمل حاجه
ريم .. ماما صدقني مكانش في حل تاني حازم ده مش سهل . دا زبا.لة وواطي دا هددني بيكو ان هيأذيكم لو منفذتلوش اللي هو عايزه