يارا بانكسار : ال تشوفه اعمله
أنس : انا هاجي بليل واجيب العروسه معايا وياريت تظبطى البيت وتعملى أكل ومشوفش وشك بليل خالص اخفى تمام
يارا : حاضر
سابته ودخلت أوضتها وهو ابتسم بانتصار
دعاء : يعني انت شايف ال انت عملته فى بنتك ده صح
صالح : ايوه اومال انا خلفتها ليه مش عشان استفاد منها بعد كده
دعاء : عندك حق هنسافر امتي البلد بقا
صالح : بكره ماهو خلاص خلصنا منها نروح نريح بالنا هناك بقا
دعاء : ماشى ياخويا فى المساء
يارا كانت جهزت الشقه والعشا وكانت تعبت من الشغل بتاع البيت قعدت على الكرسي بتعب دخل انس وهو بيقول : اتفضلي ياعروسه بيتك ومطرحك
دخلت العروسه وكانت بتبتسم بخبث
أنس بعصبيه لما شاف يارا لسه مكانها قال بغضب : لسه زي مانتي برضوا مش انا قولت مش عايز اشوف وشك خالص دلوقتى
يارا بتعب : اسفه من التعب نمت مكاني معلش و
لسه هتكمل كلامها ركزت مع العروسه وكانت الصدمه
يارا بصدمه : نيره !!!!؟
نيره بخبث : وحشتيني يايويو
يتبع