لقيته خد مخده وكوڤرته وخرج نام فالانتريه
وكانت ليله دخلتى ليله سوده وخصوصا
بعد ما نمت على السرير ودموعى نازله على خدى
وانا منهاره وفى عز الليل لقيت الباب اتفتح عليه وكان محسن بصتلو وانا مخضوضه ولقيتو بيقول كلام غريب ان الموضوع مش فيديو وبس
واكيد انا غلط مع ابن عمى الله يرحمه
ولازم يتأكد من عذريتى وقرب منى واغتصبنى
ايوه اغتصبنى لان دخل عليه غص/ب عنى ومن يومها وانا عايشه معاه مكسوره وخصوصا
بعد ما اتأكد من عذريتى وانى لسه بنت وبعدها باسبوعين محسن سافر شرم للمطعم اللى بيشتغل فيه وابتدت حماتى تدخل تقعد معايا
كتير فى الشقه على انها بتونسنى
وبصراحه انا كان دمى محروق منها وخصوصا انها كذبتنى وقالت إن الفون متسرقش من عتاب وابتدت تتدخل فى شئون بيتى زى تدخل المطبخ وكنت بعدى ده غير كنت اسيبها وادخل الحمام
اخد شاور اطلع الاقيها فى اوضه النوم واقفه قصاد دولابى والموضوع ده كان بجد بيستفزنى اوى..
ده غير بقى ست عتاب واللى كانت بتعملو فيا كانت تمسك قلبها وتقولى معلش ي صدفه
اصل انا تعبانه ممكن تيجى تنفضى معايا الشقه
كنت انزل واقعد معاها واعملها وكانت تقعد تحط رجل على رجل وانا زى الخدامه اطبخ واكنس وامسح ولما اكلم محسن واحكيلو كان يرد عليه ويقولى: اكيد بتكذبى زى موضوع التليفون اللى اتسرق والفيديو المتفبرك
كنت اققفل وانا منهاره وتعبانه
وكل يوم انام ود/معتى على خدى وافكر فى الطلاق إنما للأسف انا بحبه وقولت مع الايام
كل حاجه هتتصلح
وعدى اربع سنين على جوازنا بس حاجات كتير اتغيرت اولهم ان انا مخلفتش ولا حتى حصل حمل خالص وده كان غريب ولما كشفت الدكتور قالى انه مفيش عيب لا فيا ولا فى اما عتاب حملت كذا مره وسقطت وبعدها مكرم طلقها لان كان فى بينهم مشاكل
هى بنت مش مظبوطه ودماغها صغيره
وهو طول الوقت بيقول
انه اتجوزها غصب عنه وامه غصب:ته على الجوازه دى وبعد الطلاق اتجوز بنت زميلته فى الشغل كان بيحبها وده اللى حماتى رفضته تماما
به/دلته وطر/دته من البيت وقالت: روح ي سى مكرم اتجوز حبيبت قلبك بره بيتى
اما عتاب كانت واقفه مستمعه ومبسوطه من اللى بيحصل وده اللى قلب موازينى
بعد ما مكرم مشى من البيت وطلقها
بقت تستنى الوقت اللى محسن بيكون موجود فيه وتقعد معانا وكمان تبات عندنا كانت مش سهله خالص وعينها من محسن واللى مجننى ان ازاى حماتى قابله ده
ازاى تقبل ان طليقه ابنها تبص لاخوه وتخرب بيته
بس اللى مصبرنى على قد اللى محسن بيعملو
فيا من يوم دخلتنا المشؤمه إنما عمر ما شوفتو
بيبصلها غير انها اخته وبس
اللى جد فى حياتى ان كل يوم الساعه ١٢ بالليل
رقم مجهول يرن عليه ولما ارد يقفل فى وشى والموضوع ده حصل كذا مره
ده غير انه بيبعتلى رسايل حب على الواتس
فالاول قولت اكيد حد بيعاكس والرقم غلط
بس مع الوقت اتأكدت أن انى المقصوده من كل ده لما ذكر أسمى فى الرسايل وقالى بحبك ي صدفه