ثم تعطية بعض النقود
الزبال .. من يد ما نعدمها يا ست هانم .. اتفضلوا وانا هستناكم تحت
ريم .. انت مصمم بقي ؟!
الزبال .. انا خايف عليكم .. الواد حجازي ده واد ابن جنيه وانت ستات لطاف وبنات ناس وخايف عليكم من ابن الهرمه ده
شيماء .. طيب براحتك
ـــــــــــــــــــــــــــــــــــــــ
وتصعد شيماء وريم الي منزل حجازي وبمجرد دخول الشقة تصطحبهم لوزة الي غرفة والدها حجازي الذي يرقد علي السرير
حجازي .. اتفضلوا يا هوانم
حجازي يرتبك عند مشاهدة شيماء
حجازي .. ست شيماء !!
شيماء .. ازيك يا حجازي اخبارك ايه ؟!
حجازي .. انا .. انااا .. انا تمام زي الفل .. اتفضلوا .. اتفضلوا .. هاتي كرسي يا بت يا لوزة ..
شيماء .. الف سلامه عليك يا عم حجازي
حجازي .. الله يسلمك يا ست الكل .. حادثة بسيطة كده الحمد لله.. تشربوا ايه ؟
شيماء .. ولا حاجة
شيماء تلمح الملاءه المفروشة علي سرير حجازي
شيماء .. ايه ده ؟!!
حجازي .. ايه يا ست الكل ..فيه حاجة ولا ايه ؟!!
شيماء .. الطقم ده بتاع السرير بتاعي كان مفروش عليه ليلة دخلتي!!!!شيماء .. انا عاوزة اعرف انت اخدت مفرش السرير ده ازي ؟!
حجازي .. ما انا قولت لسيادتك ان لقيتة جوة كيس الزبالة عدم لا مؤاخذة اللي الباش مهندس مدحت جوز حضرتك ادهولي شيماء .. الكلام ده كان يوم الصباحية.. صح ؟!
حجازي .. ايوة .. حتي انا بصراحة قولت ارزل واخبط عليكم يوم الصباحية يمكن العملية ترزق بحتة جاتوة حتة لحمة من بواقي الفرح ولما خبطت فتح الباش مهندس وقالي جيت في وقتك خد الكيس ده وعاوز الدبان الازرق ميعرفلوش طريق .. بصراحة انا استغربت وفي نفس الوقت قلقت .. قلت لنفسي هو الكيس ده جواه ايه بالظبط عشان الباش مهندس يقولي اخفيه بالطريقة دي ؟!! وادالي ٢٠٠ جنيه حته واحدة بس انا بصراحة مرمتش الكيس زي ما قالي اخدته وروحت علي البيت وبفتح الكيس لقيت مفرش السرير ده وساعتها استغربت اكتر هو ده اللي الباش مهندس عاوزني اخفيه والدبان الازرق ميعرفوش طريق !! قولت يمكن بيهزر ولا حاجة .. بس اخدته وفرشته علي السرير زي ما حضرتك شايفة
شيماء .. انت غسلت المفرش ده ؟
حجازي .. اه طبعا
شيماء بغضب .. ليه يا غـbي !!
حجازي .. اومال لا مؤاخذة افرشة علي السرير من قبل مايتغسل !!ازاي يعني ؟!
شيماء .. انا مستقبلي كله كان في المفرش ده !! حـrام عليك بجد .. حـrام
حجازي مندهش .. مستقبلك في المفرش ؟! اعدم لوزة لو كنت فاهم حاجة !! ع العموم لو عاوزة حضرتك المفرش اتفضلية المفرش سليم وربنا وما اتفرش غير مرة واحدة بس
شيماء بحزن شديد .. انت حـmار ومش فاهم حاجة
حجازي .. طب فهميني يا دكتورة ينوبك ثواب شيماء .. هو فيه حاجة تاني كانت في الكيس غير مفرش السرير ؟
حجازي .. الحقيقة اه .. كان فيه ورقة مكتوب فيها كلام كده بس انا عدم لا مؤاخذة لا بعرف اقري ولا اكتب
شيماء .. فين الورقة دي ؟!!
حجازي ..امممم .. تقريبا اديتها للبت لوزة تلعب بيها .. يا بت يا لوزة
لوزة .. ايوة يابا
حجازي .. فين يا بت الورقة اللي اديتهالك تلعبي بيها امبارح
لوزة .. ورقة !!
حجازي .. ايوة الورقة يا بت الكلب اللي طلعتها من الكيس الاسود مع مفرش السرير
لوزة تخرج ورقة ممزقة من جيب البنطلون الذي ترتديه لوزة .. اهه
حجازي يمسك بالورقة .. انتي قطعتيها يا بت الكلب !! معلش يا دكتورة البت قطعت الورقة ومش فاضل غير الحته دي
شيماء تمسك بجزء الورقة وتقرأ ما فيها .. اقر انا مدحت بأن زوجتي شيماء …
شيماء .. زوجتي شيماء ايه ؟!!
شيماء تتذكر شيئا ما ثم تقول بلهفة وتوتر .. انا عاوزة باقي الورقة دي ضروري .. فين باقي الورقة دي ؟؟
حجازي .. هو ايه المكتوب في الورقة دي عدم لا مؤاخذة ؟!!
شيماء .. وانت مال اهلك !!
ثم تنزل الي لوزة وتخاطبها بكل لين .. لوزة يا حبيبتي قوليلي باقي الورقة دي فين وانا هاجيبلك هدية كبيرة اوي لوزة .. بجد يا طنط ؟! طب انا عاوزة طيارة
شيماء .. هاجيبلك طيارة كبيرة اوي وهدوم كتير بس قوليلي فين باقي الورقة دي
لوزة .. باقي الورقة دي
شيماء .. اه شيماء.. عارفة يا ريم من كتر اللي بيحصلي ده بدأت اشك اذا فعلا كنت بنت بنوت ولا لا !!
ريم مندهشة .. انتي ليه بتقولي كده يا شيماء .. معقول ده يأس واستسلام علي فكرة!!
شيماء .. انا فعلا بدأت ايأس لأني مش قادرة اثبت الحقيقة لا لأهلي ولا للناس ولا حتي لنفسي وبقيت في نظر كل اللي حواليا انسانه خاطية وليها ماضي ريم .. ان شاء ربنا هيظهر الحق قريب.. متيأسيش ياشيماء واوعي تستسلمي .. عافري للنهاية
شيماء .. انا مش عارفة مدحت عمل فيا ليه كده ؟!! ده انا كنت بحبه اكتر من اي حد في الدنيا وهو كمان كان بيحبني جداا .. ازاي هونت عليه .. ازاي ؟!!
ريم .. مدحت ده انسان مريض علي فكرة وبيتظاهر انه ملاك وهو شيطان رجـm وانا واثقة من كلامي ده كويس .. المهم مش عاوزاكي تضعفي ابدا مهما كانت الظروف .. وان شاءالله الحقيقة هتظهر والناس كلها هتعرف انك اشرف واطهر انسانه في الدنيا
شيماء،.. نفسي ده يحصل بجد ريم .. هيحصل وقريب جداا ان شاء الله وهتقولي ريم قالتها .. علي فكرة انا اجازتي خلصت ولازم اسافر الامارات ومش عاوزة اسيبك وانتي في الحالة دي
شيماء .. لا طبعا لازم تسافري .. ده شغلك وكمان مش هينفع تسيبي ابنك وجوزك هناك لوحدك .. سافري يا ريم وكتر الف خيرك في وقفتك جنبي طول الفترة اللي فاتت .. متقلقيش عليا
ريم .. طيب انا هكلمك كل يوم .. خلي بالك من نفسك
شيماء .. وانتي كمان خلي بالك من نفسك
ثم تحضنها بكل حب
ريم بدموع .. اشوف وشك بخير شيماء .. مع السلامة يا ريم
وتنصرف ريم ويبدوا عليها الاسي والحزن الشديد وبعد دقيقة بالضبط يرن المحمول علي شيماء من شخص مجهول
شيماء .. الو
المجهول بسخرية .. ايه ودعتك الحية خلاص ؟!!
شيماء .. مين بيتكلم ؟!!
المجهول .. مش مهم تعرفي انا مين .. لكن اللي عايزك تعرفيه ان الحية اللي كانت معاكي من دقيقة دي دليل برائتك جوة بطنها
شيماء .. انت بتتكلم عن مين ودليل برأتي ايه اللي جوة بطنها ؟!المجهول .. بتكلم عن صحبتك ريم قصدي اللي عاملة فيها صحبتك .. وهي في الاصل افعي سامه ملفوفه حوالين رقبتك وعاوزة تخنقك ودليل برأتك اللي انتي بتدوري عليه معاها وجواها يا بنت البنوت
شيماء .. انا مش فاهمه حاجة !! انت مين يا جدع انت ؟!
المجهول .. انا اللي يقدر يدلك علي الحقيقة اللي انتي بتدوري عليها بس للأسف ماليش في الخير وكل حاجة عندي وليها تمن واللي انتي بتدوري عليه يساوي ربع مليون جنيه جهزيهم ورني عليا بس ياريت بسرعة قبل ما تسافر ريم صحبتك ويسافر معاها دليل برأتك للأبد .. سلام
ثم يغلق ورد فعل علي وجه شيماء
ريم حزمت حقيبة السفر وتستعد لمغادرة المنزل ويحادثها اخوها جمال في المحمول حيث ينتظرها بالاسفل لتوصيلها الي المطار
ريم .. ايوه يا جمال اديني نازلة اهوه
جمال .. بقالك ساعة بتقوليلي نازلة !! شهلي شوية عشان ميعاد الطيارة
ريم .. اوك .. سلام
وبعد ان تغلق الخط تنظر في مرأة التسريحة ثم تستدير ناحية السرير وتقول ريم .. هتوحشني
ينهض مدحت زوج شيماء من السرير ويرتدي فانلة وبنطال ويتوجه نوحها ويمسك بكلتا يديها ويقبلهم قائلا
مدحت .. انتي اللي هتوحشيني
ريم .. بجد هوحشك ؟!!
مدحت .. عندك شك في ده ؟!
ريم .. بصراحة اه !! مش هتصدقني لو قولتلك اني عايشة معاك اليومين وانا مرعوبة منك
مدحت .. مرعوبة مني انا !! ليه ؟!